[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ex-pulis nga naga-shabu, ginpadakop sang iya mga anak ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Ginpadakop kag gintugyan sa mga otoridad sang duha ka anak ang ila amay nga anay pulis bangod sang pag-gamit sini sang ginapasuni shabu.
Ang suspek nga si Benny Alarcon Adraneda, Sr., 56, may asawa, gin-aresto sang mga katapo sang Sagay City PNP sa Purok Mahidaiton, Brgy. Paraiso sa Syudad sang Sagay, Negros Occidental mga alas-5:40 sa hapon sang Lunes
Si Andraneda nakaagi destino sadto sa Sagay City PNP, Cadiz City PNP, EB Maglona PNP, kag sa Syudad sang Bacolod.
Sunu namna sa Sagay City PNP, naaktohan sang iya anak nga si Ace Vincent Andraneda ang iya amay nga masuyop na naman sang gina-alegar shabu gani iya ini gin-agaw. Ginapahayag pa nga gintawag ni Ace ang iya manghod nga si Jobert kag ila gingapos sang lubid ang amay kag gintawgan sang pulis.
Nakumpiskar sa paghinakop ni Adraneda ang isa ka improvised tooter nga may bilin nga ginasuspetsahan shabu, disposable lighter kag isa ka nabuksan nga plastik nga may nabilin pa nga ginapasuni shabu.
Priso na karon sa Sagay City PNP jail ang suspek./PB
[/av_textblock]
[/av_one_full]
