[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’EX-PULIS TIKLO SA CAPIZ DRUG RAID’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Saturday, April 22, 2017
[/av_textblock]
[av_textblock size=” font_color=” color=”]
Syudad sang ILOILO – Arestado ang high-value target No. 2 sa ilegal nga droga sa probinsya sang Capiz tion sang ginkasar nga operasyon sang Philippine Drug Enforcement Agency (PDEA) 6 sa Barangay Malucluc Norte, Ivisan, Capiz kahapon sang hapon.
Ginkilala ang suspek nga si Bobby Legaspi, anay miembro sang Narcotics Command sa Manila humalin 1998 tubtob 2009.
Sandig sa inisyal nga report sang PDEA-6, ginsalakay nila ang balay sang suspek bitbit ang search warrant para sa pagbayolar sang RA 9165 ukon Comprehensive Dangerous Drugs Act of 2002.
Nangin positibo ang operasyon kon sa diin nakuhaan sang 50 ka gramo sang ginapatihan shabu ang suspek sa iya mala-mansyon nga balay. Ginabanta nga may street value nga P500,000 ang narekober nga ginapasuni shabu.
Nag-gwa man sa imbestigasyon sang PDEA-6 nga madugay na nga No. 2 sa listahan sang mga nagaduso sang ilegal nga droga sa Capiz ang suspek.
Samtang ginasulat ini nga balita, si Legaspi yara na sa kustodiya sang PDEA-6 para sa nagakaigu nga disposisyon sang iya kaso./PB
[/av_textblock]
[/av_one_full]
