Guimaras State College bulawan sang Guimarasnon

KINAANDAN na nga kun nagaeskwela kita nagapili ang atun ginikanan sang maayo kag bantog nga eskwelahan. Eskwelahan nga may ngalan kag ang graduates madali nga makasulod sa trabaho. Ini bangud nga ang ila mga graduates may network kag nagabulig gid sa ila kaangay nga alumna.

Subong man, sa moderno nga panahon, wala na sang monopoliya sang kalidad sang edukasyon ang mga dalagko nga eskwelahan pribado man ukon iya sang estado. Madamo na karon sang mga buluthuan nga ulihi lang nagtindog apang de kalidad man ang ginatanyag nga kurso bangud sang mga maalam nga mga propesor.

Isa na diri ang Guimaras State College (GSC) nga malapit na lang mangin unibersidad.  Nakapatubas na sang mga maayo nga kalidad sang mga graduates nga karon abogado, pulis, doctor, manunudlo, agriculturist kag madamo pa nga madinalag-on nga propesyunal.

Masiling ang mga inosente, ano ina ang GSC? Diin ina ang GSC?

Ang GSC ara sa Buenavista, Guimaras kag may campus man sa Mosqueda, Jordan, Guimaras.  Ini nga buluthuan nagatanyag sang mga kurso nga lunsay may permit sa Commission on Higher Education kag may AACUP Accreditation.

Apang nahibaluan nyo bala nga maluwas sa mga degree courses may ginatanyag man ang GSC nga Graduate Courses kaangay sang:

* Master of Education, major in Educational Management

* Master in Public Administration

* Doctor of Philosophy, major in Educational Management

Kun ikaw mag-masters ukon mag-doctoral ngaa pili-on mo ang GSC kay may mga dalagko man nga unibersidad sa Iloilo?

Siling sang isa ka alumna sang GSC, ini ang iya mga rason sa pagpili sang GSC bilang eskwelahan sang iya masters:

* ISO 9001-2015 Quality Mgt Systems (QMS)

* Certified Level III phase II AACCUP Accredited Programs

* The 1st State College in the whole Philippines to be granted Institutional Accreditation Level I by AACCUP, Inc.

* Belongs to G-11 or group of 11 SUCs that pioneered the Internationalism Program of CHED

* House Bill No. 8731 converting Guimaras State College to Guimaras State University

* SUC level III

* The first SUC in the Visayas and Mindanao region and second in the whole Philippines to undergo Institutional Sustainability Assessment (ISA) by CHED

* The First State College in Western Visayas to have a Comprehensive Land Use Plan.

Kun ikaw ignorante sini, balewala lang sa imo. Apang sa mga mangin alamon nga gusto pa mapasangkad ang ila kinaalam, kun mabasahan mo ang ini nga mga nalambot na sang GSC, sigurado masiling ka…”Diri ako maeskwela.”

Sin-o man sa atun wala sang kinamatarong nga pakanubuon ang isa ka eskwelahan bangud sa iban nga aspeto may kinalabaw man ini sa mga kilala nga bulutuhuan.

Subong nga panahon, wala na naga-matter kun ano ang imo eskwelahan; ang importante accredited sang CHED kag ginakilala sang mga accreditors kag sang gobyerno.

Para sa mga Guimarasnon kag sa mga alumni, ang GSC, bulawan sang isla! ([email protected]/PN)

LEAVE A REPLY

Please enter your comment!
Please enter your name here