[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Gun runner dakop sa buy-bust’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Dakop sa buy-bust operation ang isa ka ginapatihan gun runner sa Barangay Bitoon, distrito sang Jaro alas-onse sang aga kahapon.
Ang subject sa operasyon amo si Belen Lico nga tumandok sang Surigao Del Sur apang nakapamana sa Brgy. Bitoon, Jaro.
Gindakop man ang kaupod sa operasyon nga si Domingo Bactung.
Sunu sa report sang Jaro PNP, ginkasar sang katapo sang Regional Intelligence Division (RID) Special Operations Unit Bravo ang buy-bust operation kontra sa subject sang operasyon.
Nagpakuno-kuno nga mabakal ang tinawo sang RID sang isa ka 9MM caliber pistol balor P13,500 kag .45 kalibre pistol balor P13,500 sa subject sang operasyon rason nga nadakpan kaupod si Bactung.
Narekober sa paghinakop sang duha ang isa ka .45 kalibre nga pistol, 9mm caliber pistol nga may empty magazine kag P27,000 nga kwarta.
Sa interbyu sang katapo sang media kay Lico, ginsugid niya nga halin sa Cebu ang indi lisensyado nga mga pusil nga ginabaligya niya kag nagapadulong lamang sa ila balay sa Jaro ang nagabakal.
Karon ang duha lunsay na priso sa karsel sang Jaro PNP para sa nagakaigu nga disposisyon sang ila kaso./PB
[/av_textblock]
[/av_one_full]
