[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ICPO, ginaplantsa ipatuman nga seguridad para Dinagyang ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagsugod na subong nga semana ang pagpreparar sang Iloilo City Police Office (ICPO) sa ipatuman nga seguridad para sa ika-50 nga tuig sang Dinagyang Festival.
“We would like to announce that comes first week of January 2018, ICPO strictly nagapreparar na kita for our security preparation for our 50th Dinagyang Festival,” siling ni Senior Insp. Shella Mae Sangrines, tagpamaba sang ICPO.
Ginakabig sang ICPO nga daku nga panghangkat ang ginahimu nga preparasyon subong bangod nga daku ang tsansa nga maga-abot si Presidente Rodrigo Duterte sa syudad para magtambong sa highlight sang Dinagyang sa Enero 28.
“We consider this a very challenging celebration. We will do security adjustment, this will be expected kay ti early on may info kita that our president will grace our occasion. Daku ni nga challenge,” dugang ni Sangrines.
Ginahulat na lang sang ICPO ang sabat sang Philippine National Police headquarters angut sa ila hinyo nga pagpatuman sang total gun ban kag pag-shutdown sang tanan nga communication lines sa highlight sang festival.
Natalana man nga magpagwa ang ICPO sang listahan sang mga items nga pagadumilian nga dal-on ukon bitbiton sang publiko nga magadagsa sa highlight sang festival.
“Kinahanglan naton ang augmentation kay naglapad ang aton area nga bantayan,” dugang ni Sangrines.
Samtang, ginahulat pa sang ICPO ang desisyon sang syudad angut sa pagbaligya sang ilimnon sang mga establisimiento komersyal sa Smallville Complex sa Mandurriao kon bala sundon gihapon ang mando ni Mayor Jose Espinosa III nga tubtob alas-dos lang sang kaagahon ang pagbaligya sang makahulobog nga ilimnon bisan Dinagyang./PB
[/av_textblock]
[/av_one_full]