[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ilonggo nga soldado napatay sa Marawi’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, June 2, 2017
[/av_textblock]
[av_textblock size=” font_color=” color=”]
Syudad sang ILOILO – Tuman nga kasubo ang nabatyagan karon sang pamilya sang isa ka Ilonggo nga soldado nga napatay sa nagapadayun nga tensyon sa Syudad sang Marawi.
Si Private First Class Anthony Calugas Capulot, 25, kag tumandok sang Sitio Tagas, Barangay Ayabang, Leon, Iloilo kag nadesignar sa 15th Infantry Battalion sang Philippine Army, ang isa gid lamang sa 11 ka mga soldado nga napatay sa ginlunsar nga airstrike ukon friendly fire sang tropa sang gobyerno.
Sa interbyu sang mga katapo sang media sa iloy sang biktima nga si Reynalda, ulihi nga nakapauli ang iya bata sa ila balay sadtong Disyembre 2016.
Nakatawag man ini sang Miyerkoles sang gab-i sa iya tiya kag nakapanugid nga sia na lang ang bilin antes nabatian sang tiya ang asud-asod nga lupok.
Nahibaluan nga madamo sang mga soldado sa pamilya sang biktima kon sa diin soldado man ang magulang sini nga si Corporal John Peter Capulot nga nadesignar naman sa Negros Occidental.
Mga apo man sila sang baganihan sang Leon nga si Captain Jose Cabalfin Calugas Sr., ang labing una nga soldado nga Pinoy nga nakabaton sang Medal of Honor sang World War 2.
Sa karon, luyag sang pamilya ni Capulot nga madala sa ila balay ang bangkay sini sa labing madali nga panahon para makaupod na nila ini./PB
[/av_textblock]
[/av_one_full]
