[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’JOB HIRE GINPATAY SA ESTANCIA ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang 57-anyos nga job hire sang Estancia Municipal Hall matapos nga gintiro sang indi magnubo duha ka mga suspetsado sa Brgy. Poblacion, Zone 3, Estancia, Iloilo alas-cuatro sang aga kahapon. Dead-on-arrival sa Jesus M. Colmenares Memorial District Hospital sa Brgy. Malbog, Balasan, Iloilo ang biktima nga si Ma. Lourdes Magtiza y Hablo, 57, residente sang Brgy. Pa-on, Estancia, nga nakaagom sang pito ka mga pilas sa lawas. Sa interbyu sang Panay Balita kay Chief Inspector Johnny Tumambing, hepe sang Estancia Municipal Police Station (MPS), sakay ang biktima sa iya motorsiklo kag maliko na malapit sa second gate sang NIPSC main campus sang gintiro sang mga suspetsado gamit ang ginapatihan 9mm caliber pistol. “Actually, ginbantayan na sia, pagliko niya sa Poblacion Zone 3, near sa second gate sang NIPSC main campus, unidentified person or persons then without any reason, she was shot several times,” hambal ni Tumambing. Pito man ka mga pilas sa lawas ang inisyal nga nakit-an sang mga katapo sang Estancia MPS sa biktima rason sang iya kamatayon. “May seven gunshot wounds nga na-sustain ang victim but subject for autopsy report, dira ma-determine kon pila gid man ang iya igu,” dugang ni Tumambing. Natukiban man nga job hire ang biktima sang munisipyo kag na-designar sia sa fish port sang Estancia. Hambal pa ni Tumambing nga wala man sang malain nga rekord ang biktima sa ila banwa kag wala man sang problema sa ila pamilya rason nga palaligban sa ila kon ngaa ginpatay ini. Indi man makabig sang Estancia MPS nga robbery ukon hold-ap ang motibo bangod wala man sang nadula nga kagamitan ukon kwarta sang biktima. Narekober naman sang Estancia MPS ang mga empty cartridge shells sang ginapatihan 9mm nga ginapatihan gingamit sa krimen. Samtang ginasulat ini nga balita, padayun pa ang imbestigasyon sang Estancia MPS sa krimen./PB
[/av_textblock]
[/av_one_full]
