[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki ginhatok-hatok bunu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
[todaysdate]
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nagakulob kag wala na sang kabuhi sa higad sang baybay sang nasapwan ang isa ka lalaki nga madamo sang pilas sang pagkabunu sa Sitio Palina Diutay, Brgy. Bagongon, Concepcion, Iloilo alas-5:45 sang aga kahapon.
Ginkilala ang biktima kay Rodel Divinagracia, 35, soltero kag residente man sang nasambit nga lugar.
Sa interbyu sang Panay Balita kay Chief Inspector Abner Jordan, hepe sang Concepcion PNP, nasapwan ang biktima sang mag-amay nga mangisda na kontani sa kalalawran sang Concepcion nga nagakulob kag madamo sang samad sa lawas. Nagasuksok na lamang sang t-shirt kag briefs ang biktima sang nasapwan.
May nakit-an man nga defense wound sa iya mga kamot rason nga ginapatihan nga nagbatu pa ini samtang gina-atake sang suspek.
“Bale nasapwan nga patay indi sa tubig kundi sa shoreline sang barangay. May mga suspected stab wounds sia sa iya kalawasan. Mga more or less 10 stab wounds pero subject for autopsy pa,” hambal ni Jordan.
Nag-gwa man sa report nga si Divinagracia nagasuprer sang balatian sa panghuna-hona rason nga posible gintripingan sang nagsakay sa pumpboat.
“Bale ang biktima nga ini according sa mga tawo didto mentally ill ni sia. Pero mabuot man sia kuno. So, amo na way pa kami kon sin-o ang suspect naton,” dugang sang hepe.
Ulihi man nga nakit-an nga buhi ang biktima sang Martes sang hapon rason nga sa pagpati ni Jordan, posible nga ginbanggaan lamang ini sang suspek/mga suspek sang Martes sang gab-i kag gintripingan.
Indi pa man matumod kon pila ang suspek/mga suspek nga nagpatay sa biktima bangod nga ginahulat pa sang Concepcion PNP ang resulta sang autopsy examination./PB
[/av_textblock]
[/av_one_full]
