[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki ginpatay nagpainom sa iya’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Thursday, March 9, 2017
[/av_textblock]
[av_textblock size=” font_color=” color=”]
Syudad sang BACOLOD – Nadakpan sang Talisay City PNP kahapon sang hapon diri ang suspek nga nagpatay sa nagpainom sa iya mga alas-otso y medya sang Martes sang gab-i sa Sweet Centre, Barangay Zone 16, Syudad sang Talisay, Negros Occidental.
Sunu kay Supt. Adonis Rosales, hepe sang Talisay City PNP, nadakpan ang suspek nga si Michael Descalsota, 39, may asawa kag residente sang amo man nga duog, paagi sa manhunt operation.
Si Descalsota ang ginatudlo nagpatay kay Ednando Eranio, 54, nga amo ang nagpainom sa iya sa puloy-an sini upod man si Raymond Parreño.
Ginapahayag nga nagluntad ang indi paghangpanay sa tunga sang biktima kag suspek kag gilayon nga ginlamposan sang suspek sang botelya ang biktima sa ulo.
Sang nalipong ang biktima, ginbunu pa gid ini sang suspek sang buka nga botelya rason sang na-angkon sini nga madamo nga mga pilas sa lawas.
Dali-dali gindala sa Talisay Community Hospital ang biktima apang ginlawag dead-on-arrival ni Dra. Isabel Macote.
Gilayon naman nga nalagyo ang suspek upod man si Parreño pero sang nadakpan ini, siling sini nga bun-on man sia kontani sang biktima gani iya na gin-unahan. Apang ginpanginwala ini ni Parreño.
Priso na subong ang suspek kag ginahanda ang kaso nga ipasaka kontra sa iya./PB
[/av_textblock]
[/av_one_full]
