[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintiro sa Leon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO –Ginabulong pa subong sa ospital ang isa ka lalaki matapos nga gintiro sang tatlo ka mga suspek sa Sitio Libot, Brgy. Buga, Leon, Iloilo alas-10:20 sang gab-i sang Huwebes.
Yara pa karonsa Western Visayas Medical Center sa sining syudad ang biktima nga si Raymundo Caisio, 30, residente sang Brgy. Buga, Leon, kon sa diin may mga pilas ini sa wala nga paa kag hawak.
Sa interbyu sang HUBLAS kay SPO1 Jaime Alfor, imbestigador sang Leon PNP, halin sa namatyan si Caisio kag mapauli na kontani sang gintiro sang tatlo ka mga suspek gamit ang 12 gauge shot gun.
“Kagab-i pauli na ni si Mr. Raymundo halin sa Brgy. Buga Proper kay lalakton pa ni ang iya balay kay more or less one kilometer kay medyo liku-likuon ang dalan. Pag-abot ya sa medyo madulom nga bahin sang dalan pakadto sa ila balay, may tawo nag-gwa sa kasagingan. So, amo to nga ginpalukpan sia kag naigu sia iya wala nga paa kag daw hawak,” saysay ni Alfor.
Gindugang pa ni Alfor nga nagpungko pa ang biktima matapos nga gintiro sang mga suspek pero liwat sia nga gintiro kag maswerte lamang nga wala sia maigu rason nga nakadalagan sia.
“Pagtiro sa iya nagpungko pa sia kay daw kabatyag sia sang sakit pero ang mga suspek daw nagpalapit sa iya kag ginpalukpan sia liwat pero wala sia naigu amo to nga nagdalagan sia palayo sa lugar kag mangayo bulig lapit sa ila,” dugang sang imbestigador.
Indi naman makilala sang biktima ang mga suspek luwas gid lamang sa nawong sang mga ini.
“Sandig sa biktima, nakita ya ang tatlo ka tawo nga nagapanago malapit sa kasagingan pero sa itsura ya lang ni ma-identify pero ang bilog ya gid or ang ngalan sang tawo indi ya gid ma-identify,” hambal pa ni Alfor.
Padayun pa subong ang follow-up operation sang kapulisan para makilala ang mga suspek kag mabal-an ang ila motibo sa pagtiro sa biktima.
Nag-gwa man sa imbestigasyon sang Leon PNP nga makalam sang kamot ang biktima sandig sa alegasyon sang mga pumoluyo pero indi pa ini lubos makabig motibo sang kapulisan sa krimen.
“Ang amon ya nga anggulo nga gina-study-han nga medyo makalam-kalam ni sia sang kamot kay mga reported nga abtik ni sia kamot didto. Ang kapitan mismo nag-kwan kag iban nga gin-pamangkot naman didto. Maybe amo ni ang isa ka rason nga ginlambatan sia,” pagtakop ni Alfor./H
[/av_textblock]
[/av_one_full]
