[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintripingan bunu, patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, May 4, 2017
[/av_textblock]
[av_textblock size=” font_color=” color=”]
Syudad sang ILOILO – Ginbawian gid sang kabuhi ang isa ka lalaki matapos nga gintripingan bunu sa disperas sang kapistahan sang Barangay Rumbang, Pototan, Iloilo ala-1:26 sang kaagahon kahapon.
Dead-on-arrival sa Iloilo Provincial Hospital sa Pototan si Gil Piagoda y Victoriano, 29, kasado kag residente sang Brgy. Rumbang, Pototan, Iloilo, nga nakaagom sang mga pilas sa tuo nga dughan kag likod.
Sa interbyu sang Panay Balita kay Senior Inspector Bonifacio Alave Jr., hepe sang Pototan Municipal Police Station (MPS), nagalakat ang biktima sa dalan upod ang iya mga abyan sang ginbanggaan sila sang duha ka lalaki nga nagbunu dayon sa biktima.
Sa pagpati ni Alabe nga nagsita-anay ang grupo sang biktima kag mga suspetsado dala sang kahulogbon tubtob nga nabun-an si Piagoda.
“Sunu sa investigation, nagsumalangay lang ang suspetsado kag biktima. Daw tripping lang siguro ah. Ang victim may previous man nga rekord kay kaagi ni sia nabun-an sa Mina, Iloilo kag kagab-i hubog ni sila upod sa mga mego, nagkadto sila sa may gym pero pagpuli nila nasugata nila ang suspetsado. Indi man nila gani kilala sang mga witness naton nga upod sang biktima. So, galibog man ulo naton sang identity sang suspetsado,” eksplikar ni Alabe.
Natukiban pa nga may ginasukbit man nga patalom ang biktima pero wala gid makabalos sa suspetsado.
Madasig man dayon nga nagpalagyo ang mga suspetsado kag tubtob ginasulat ining balita, padayun pa ang imbestigasyon sang Pototan MPS sa krimen./PB
[/av_textblock]
[/av_one_full]
