[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nagakay-o signboard, nakoryente’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian sang kabuhi ang 34-anyos nga lalaki matapos nga ginapasuni nakoryente kag nahulog gikan sa iya ginatungtongan sa Barangay President Roxas, City Proper kahapon sang udto.
Dead-on-arrival sa West Visayas State University Medical Center sa sining syudad ang wala anay ginhingadlan nga biktima nga nakaagom sang patal nga pilas sa iya ulo.
Sa pagpati sang Bureau of Fire Protection (BFP) nga amo man ang nagdala sa biktima sa ospital nga posible nakoryente ang biktima samtang nagakay-o sang signboard rason nga nahulog.
“May portal of entry sa iya kamot kag may exit point sa iya likod. So, may possibility nga nakoryente ang iya kamot sa babaw (before) sia nadagdag,” siling ni Senior Fire Officer 3 Fletcher Daban.
Ginapatihan man nga nagtupa ang ulo sang biktima sa gutter kag natam-an gid ini bangod nga wala sang suksok nga safety harness.
Sa interbyu sang isa ka istasyon sang radyo sa isa ka testigo, antes niya nakita ang pagkahulog sang biktima, nakabati pa sia sang lagapok.
“Daw may naghuni nga ‘pok,’” siling ni alyas Nora.
Ginkumpirmar man sini nga wala gid man sang bisan ano nga safety protection gear nga ginasuksok ang biktima.
“Gintabonan ko mata ko kay pagbati ko sang (lupok) nakita ko (nag-rotate pa sia), gintabonan ko dayon mata ko,” dugang ni Nora./PB
[/av_textblock]
[/av_one_full]
