[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI NAGMAOY: 1 PATAY, 3 PILASON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Monday, May 15, 2017
[/av_textblock]
[av_textblock size=” font_color=” color=”]
Syudad sang ILOILO – Patay ang isa ka lalaki samtang tatlo naman ang pilason sang ginpangbunu sila sang tuman ka hubog kag nagmaoy nga suspek sa gwa sang baylehan sang Barangay Maribong, Lambunao, Iloilo sang Sabado sang gab-i.
Ginbawian sang kabuhi samtang ginabulong sa Lambunao District Hospital si Randy Castor, 25, residente sang nasambit nga barangay. Nakaagom sia sang pilas sa wala nga bahin sang tiyan.
Ginkilala naman ang tatlo ka iban pa nga mga biktima nga sanday Gilbert Lozada, 20, nga may pilas sa wala nga abaga; manghod niya nga si Limuel Jay, 17, nga nasamaran sa wala nga paa; kag Jerson Roel Ponte, 18, nga may pilas naman sa wala nga abaga.
Samtang ginasulat ini nga balita, si Ponte ginabulong pa sa West Visayas State University Medical Center, si G. Lozada yara sa Western Visayas Medical Center samtang ang manghod sini ginabulong sa Lambunao District Hospital.
Sunu kay Chief Inspector Jogen Suegay, hepe sang Lambunao PNP, natabo ang insidente mga alas-9:40 sa gab-i sang nag-gwa ang suspek nga si Rey Castor kag mga biktima gikan sa baylehan para magpuli na.
Pero naakig ang suspek sang nakita niya ang iya hinablos nga si Michael Miguel nga nag-upod sa mga biktima gani nga nagmaoy ini kag ginpangbunu ang mga biktima, sunu pa sa report sang Lambunao PNP.
Matapos ang insidente, nalagyo ang suspek kag nadakpan lamang sang mga otoridad kahapon sang kaagahon.
Ginsiling pa ni Suegay nga wala man sang rekord sa ila ang suspek kag indi man ini involved sa ilegal nga droga. Tuman nga kahulugbon gid lamang ang rason sang pagmaoy sini.
Natalana naman nga kasohan ang suspek sang homicide kag three counts sang frustrated homicide./PB
[/av_textblock]
[/av_one_full]
