[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nagtambag sa inaway, ginlabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Saturday, July 1, 2017
[/av_textblock]
[av_textblock size=” font_color=” color=”]
Syudad sang BACOLOD – Matambag lang kontani ang tuyo sang isa ka lalaki sa away sang tunga sang iya utod kag duha ka hubog pero sia pa ang ginlabu-patay mga alas-otso sang gab-i sang Huwebes sa Purok Palangga, Brgy. Tapi, Syudad sang Kabankalan, Negros Occidental.
Ginkilala ni Superintendent Rhea Santos, hepe sang Kabankalan City PNP, ang biktima nga si Arson Fat Eletico, 32, may asawa kag naga-istar sa amo nga duog.
Nakaagom ini sang pilas sa liog kag dali-dali pa nga gindala sa Tabugon Hospital apang ginlawag patay antes pa mag-abot didto.
Sunu sa imbestigasyon sang mga pulis, ang ginatudlo nga mga suspek amo sanday Ricky Tagacay, 22, solotero kag residente sang Brgy. Tapi, kag alyas “Macmac,” 22 kag taga-Sitio Magtongtong, Brgy.Tampalon sa amo man nga syudad.
Ginpahayag sang mga pulis nga hubog ang duha ka mga suspek sa diin nang-gamo sila kag ginhaboy sang bato ang balay sang biktima.
Bangod sini nag-gwa ang utod sang biktima nga si Danny Eletico kag ginhangkat sila sang inaway.
Gilayon man nga nag-gwa ang biktima sa tuyo kontani nga tambagan ang naga-inaway apang ginlabu sia sang isa sa duha ka mga suspek.
Matapos ini, gilayon man nalagyo ang duha ka mga suspek kag gina-ayam pa karon sang mga pulis sang Syudad sang Kabankalan./PB
[/av_textblock]
[/av_one_full]
