[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Lalaki nga sakay sa trak gintiro ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na matabangan pa ang isa ka lalaki nga gintiro samtang nagasakay sa trak sa Barangay Cubay-Napultan, Sibalom, Antique alas-siete sang Martes sang gab-i.
Gindeklarar nga dead-on-arrival sa Angel Salazar Memorial General Hospital si Jodel Tagudin, 20, kag residente sang Brgy. Lupa-an, Laua-an, Antique, bangod sang naagom nga pilas sa liog.
Samtang nakapalagyo naman ang suspetsado nga nakilala lang kay alyas Mark.
Sunu sa report sang Sibalom PNP, nagasakay ang biktima kag suspetsado sa trucking nga nagabiyahe halin sa Barangay Odiong, Sibalom padulong sa Belison, Antique sang natabu ang krimen.
Ginapasuni nga tuparay man lang sa sulod sang passenger’s seat ang duha sang hinali lang nga gintiro sang suspek ang biktima gamit ang wala pa nadeterminar nga pusil.
Sang nakabati naman ang wala ginhingadlan nga drayber sang trak sang lupok, gilayon ini nga nagdulog pero lipod sa iya ihibalo naglumpat na ang suspetsado.
Gilayon na lang dayon nga gindala sang drayber ang duguon nga biktima sa ospital apang ginbawian gid sang kabuhi.
Sa karon, padayun pa ang pag-imbestigar sang Sibalom PNP para matumod ang motibo sang suspetsado sa pagtiro-patay sa biktima./PB
[/av_textblock]
[/av_one_full]