MALIPAYON kag mabungahon nga bag-ong tuig 2026 sa tanan!!!
***
Ang conflicto sa tunga ni Indiana Fever star player Caitlin Clark kag sang WNBA management indi isa ka kaso sang “arrogance” ukon “insubordination” sang isa ka empleyado batok sa management.
Kaso man gani ini sang tanan nga mga empleyado (Women National Basketball Players’ Assn.) sa WNBA management agud makanegosyar sang pagligwat sang kaundan sang ila Collective Bargaining Agreement (CBA), nga sunu sa mga players indi lang para sa kaayuhan sang mga players kundi sang WNBA man sa kabug-usan.
Expected nga ma-finalize, kon ma-agreehan na, ang bag-o nga CBA sa Enero 2026, kon san-o hiwaton man ang 30th regular season sang WNBA games sugod Mayo 2026. Samtang sa off-season, basi maimbitar man ang iban sa paghampang sa iban nga liga nga may pahanugot sang WNBA.
Ginapangayo diri sang WNBPA ang dugang nga sweldo, maternity kag family benefits, kag improved travel conditions.
Ina tungod gapati ang WNBPA nga nagtaas sing sobra-sobra ang kita sang WNBA sugod sadtong 2024 agud makahatag man dugang nga benepisyo sa players.
Natabo ini sang pagsulod ni Clark sadtong 2024 sa professional basketball sa idalom sang Indiana Fever nga dala ang iya kabantugan sa inter-college basketball.
Kag bangod man sa napakita gid niya nga abilidad bisan sa professional games sa idalom sang WNBA, nga naghimo sa iya nga daw isa ka well-loved actress sa pelikula nga ginaamagan tan-awon sa personal kag ang iya man unrivalled nga kasapaton sa pagdala sang bola.
***
No doubt, daku gid nga bulig ang pagsulod ni Clark sa WNBA. Nagtaas gid sing daku ang gallery attendance kag viewing sa TV, kag bisan sa broadcast. Pati na ang suporta sang company sponsors kag partners agud padayon nga madinalag-on ang WNBA games.
Ginapangayo man gani sang mga fans kag sponsors/partners nga indi malimitahan ang hampang sang ila idolo nga si Clark, nga indi katulad sang baliskad nga panan-aw sang WNBA management.
Daw ginasolo kuno ni Clark ang kadayawan nga dapat tani iya sang bug-os nga team. Dapat kuno ma-bench ini anay sa madamo nga tinion kag mapabay-an man sang referee nga ma-bully sang kasumpong nga players.
Tungod kuno “rookie” pa lang si Clark nga dapat maghulat anay sang “iya tion” kag maanad sa “physical game” sang professional basketball. Bisan pa hungod piangon gid si Clark nga basi ma-disable pa?
Sadista ina nga pamensaron ni WNBA Commissioner Enbgelbert. Kag natabo gid ina sa madamo nga beses nga na-injured si Clark kag indi makahampang sa madamo nga games.
Agud indi masolo ni Clark ang kadayawan sa basketball court? Ukon basi gabinuaya (crocodile play) man si Clark sa pensar ni Engelbert sa lugar mag-team play?
Isa ini ka wala hinalung-ong (ignorant) nga panan-aw. Sa aton mismo padayon nga pagtan-aw sing halos adlaw-adlaw sang replay games ni Clark sa Iowa kag Indiana Fever – kay ang regular season sa 2026 masugod pa sa Mayo – indi siya buaya nga luyag lang solohon ang kadayawan sang iya kapinasahe sa court.
In fact, isa siya ka team player, nga may pinasahe nga pagdala sang hampang bilang playmaker, kag may kinadman bilang all-around player.
Bilang all-around player, si Clark nga ang mayor nga role iya sang point guard nga playmaker, ma-expect mo gid man si Clark nga may madamo siya nga mahimo.
Nga galakip sang iya rare long-range shooting (beyond 28-feet 3-point range) nga daw ga-shoot lang halin sa penalty line kon diin may 90% effectiveness siya luas sa good shooting anywhere else, kag slippery drive.
Pero makita mo man ang padayon niya nga bulig sa ka-team paagi sa iya quick kag sometimes back assists, mga well-timed opportunity pass kag effective man nga shielding defense agud makahigayon nga maka-score ang iya kaupdanan.
Ugaling kay indi ang tanan nga natagaan niya assist maka-score dayon tungod sa kakulang sang iban sing liksi agud makahigayon sang oportunidad nga maka-shoot. And so, indi sila maka-score pareho ni Clark.
So, ngaa hambalon nga gabinuaya si Clark when really isa siya ka team player? Nga, sa matuod, makatigayon maka-score tungod sang iya pinasahe man nga abilidad, nga kon tawgon “CaitlinEffect”, sa paghimo sang madamo nga oportunidad nga maka-score.
In fact, wala man reklamo ang mga fans, kag ga-ginapreciar pa gani nila ang klase nga hampang ni Clark. No doubt, indi ini ang buaya player nga ginakaugtan sang mga tumalan-aw!
Sa All Star 2025 games gani, upod si rookie Clark kag mga veteran players, nanguna si Clark sa Fan Votes with 1,293,526, nga naghimo sa iya bilang team captain sang iya grupo. Ginasundan siya nanday veteran players Napheesa Collier (1,176,020) nga nangin captain man sang iya grupo, Aliyah Boston (1,174,669), A’ja Wilson (986,662) nga MVP sang 2020, 2022, 2024 kag 2025, kag Breanna Stewart (972,434).
So, just let Caitlin Clark be! Kag let sang mga kaupdanan niya maghimo man sang ila ikasarang paagi sa ila role sa defense, rebound, steals, kag assists. Nga ma-recognize man sang mga basketball fans sa ina nga mga role nila./PN
