[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lider sang ‘Sperm Gang’ dakop sa drug bust’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Tuesday, January 17, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Na-aresto ang ginapasuni lider sang “Sperm Gang” sa ginkasar nga drug bust operation sa Iloilo Terminal Market sa Barangay Flores, City Proper alas-11:30 sang Domingo sang gab-i.
Ginkilala ang suspetsado nga si John Francis Estember y Bornillo alyas Banoy, 18, kag residente sang Brgy. Rizal Pala-pala II, City Proper.
Sunu kay Chief Insp. Aldrin Lamera, hepe sang Police Precinct 1 (PP1), natigayon nila nga mabaklan sang isa ka plastic sachet sang ginasuspetsahan shabu balor P500 ang suspetsado.
Sang ginrikisa, nakuhaan pa gid ini sang dugang nga duha ka plastic sachets sang ginapatihn shabu kag marked money,
“Beforehand may background na ina sia nga isa sia allegedly sa mga lider sang “Sperm” dira sa Brgy. Pala-pala. So, amo ni natigayon namon kagab-i ang buy-bust. So nangin positibo kag nakuha sia naton,” hambal ni Lamera.
Halos isa man ka semana nga gin-monitor ang suspetsado antes ginpa-idalom sa drug bust.
“Actually mga isa man lang ka semana kay may information sa aton nga nagahaboy ina sia. Allegedly leader sang “Sperm” group kag nagahaboy man sang droga,’ dugang ni Lamera.
Sa subong, ang suspetsado nahunong na sa karsel sang PP1 kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
