[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAG-AMAY GINTIRO SA BINGAWAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Thursday, March 9, 2017
[/av_textblock]
[av_textblock size=” font_color=” color=”]
Syudad sang ILOILO – Ospital ang gintup-an sang mag-amay matapos nga gintiro sa Barangay Quinar-Upan, Bingawan, Iloilo alas-8:30 sang gab-i sang nagligad nga Lunes.
Ginabulong pa subong sa Western Visayas Medical Center ang mag-amay nga Regino Legaray, 49, nga may pilas sa tuo nga tiil, kag bata nga si John Rey Legaray, 26, nga may pilas naman sa tiyan.
Sa interbyu sang Panay Balita kay PO3 Dennis Losbañes, imbestigador sang Bingawan Municipal Police Station (MPS), una nga nagluntad ang rambol sa tunga sang bata nga Legaray kag isa nga nakilala lang kay Magbanua bangod nga wala ginhatag sang naulihi ang microphone sa nauna sa sulod sang videokehan.
Pagkakita sang amay sa natabo, madasig ini nga nagpauli para kontani nga magkuha sang armas pero wala man ini sang bitbit nga armas sang nagbalik sa videokehan.
Sang nakita naman sang upod ni Magbanua nga si Rene Forcal Sr., 45, si R. Legaray, basta na lamang niya ini nga gintiro gamit ang kalibre .45 nga pusil.
Sunod sini, gin-agaw ni J.R. Legaray ang armas kay Forcal pero gulpi lang nga naglupok rason nga naigu sia.
Ginpulihan man dayon sang mga istambay kag himata sang biktima si Forcal rason nga nadakpan sang kapulisan kag priso na subong sa Lambunao MPS./PB
[/av_textblock]
[/av_one_full]
