[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Malones, nagahinyo mga taga-Maasin ibutang sa Maasin MPS ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagapangita subong ang Police Regional Office (PRO) 6 sang mga pulis nga tumandok sang Maasin, Iloilo nga mahimu ipahamtang sa Maasin Municipal Police Station (MPS).
Kasunod ini sang hinyo ni Mayor Mariano Malones sang Maasin sa PRO-6 nga magbutang sang mga pulis nga tumandok sang ila banwa sa Maasin MPS para makilala dayon nila kon bala katapo sang New People’s Army (NPA) ang isa.
“Actually, ang request ni mayor kon puede taga-Maasin. Indi specific na ‘yong Maasin cops kaya ako nagpahanap ako ng taga-Maasin,” siling ni Chief Supt. Cesar Hawthorne R. Binag, regional director sang PRO-6.
Wala man sang problema kay Binag kon lunsay tumandok sang Maasin ang mga pulis sa Maasin MPS ukon gikan sa kaiping nga kabawahanan kaangay sang Alimodian ukon Leon.
Tuyo man lang sang hinyo ni Malones nga mabantayan nga indi makasulod ang mga NPA sa ila banwa para indi na masulit ang natabu nga pagsulod kag pagdis-arma sang indi magnubo 50 tubtob 60 ka mga katapo sang NPA sa Maasin MPS sadtong Hunyo 2017.
Ang nasambit nga hitabu amo man ang rason kon ngaa gin-relieve ang tanan nga mga pulis sa ila banwa kag gintal-osan sang mga katapo sang Provincial Public Safety Company.
Luwas sini, gusto man ni Malones nga dugangan ang ila mga pulis ilabi pa nga nalakip ang ila banwa sa mga high-risk sa pag-atake sang NPA.
Matandaan nga ulihi nga pag-atake sang NPA sa Maasin nagluntad sini lang nga Nobyimbre 24 kon sa diin isa ka pulis ang napatay samtang 12 naman ang nasamaran.
“Amo gani na isa ka problema nga gina-atubang naton subong. Gina-take advantage sang mga migo ta sa sagwa ang sitwasyon sang Maasin, wala kita sang mga pulis nga tumandok,” siling pa ni Malones sa interbyu sadto sang mga katapo sang media./PB
[/av_textblock]
[/av_one_full]