[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Manghod nga naglabu sa magulang naghikog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nasapwan nga patay na sa sulod sang karsel sang Ilog PNP mga alas-tres sa kaagahon kahapon ang manghod nga naglabu sa iya magulang sa Purok Masagana, Barangay Tabu, Ilog, Negros Occidental sadtong Miyerkoles.
Si Caesar Candiasa Amar, 28, nasapwam nga nagakabit sa sulod sang iya selda sa diin naghikog ini gamit ang habol nga ginhigot sa iya liog.
Sunu kay Senior Inspector Nerito Lobrido, hepe sang Ilog PNP, nakibot na lang sila sang makita ang wala na kabuhi nga si Caesar.
Nahibaluan nga ginbulong pa si Amar sa Lorenzo Zayco Memorial District Hospital sa Syudad sang Kabankalan bangod sa pilas sa iya ulo antes sia ginpriso sadtong Huwebes.
Sa madumdoman, ginlabu sini gamit ang talibong ang iya magulang nga si Roger, 33, bangod sa paglainay sang ila buot.
May igu sa lawas si Roger kag gindala man sa Lorenzo Zayco Memorial District Hospital kag ginliton sa Corazon Locsin Montelibano Memorial Regional Hospital sa Syudad sang Bacolod kag yara na sa mayo nga sitwasyon subong.
Sunu naman sa tiyo sang duha ka mag-utod nga si Glicerio Armas, wala paghangpanay ang rason nga naglabuanay ang duha./PB
[/av_textblock]
[/av_one_full]
