[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Manghod sang hangkilan nga durogista dakop’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala makapalag ang manghod sang ginakabig high-value target sa droga nga si Rolando Torpio alyas Apa sa drug bust operation sa Barangay San Jose, distrito sang Arevalo alas-9:45 sang aga sang Lunes.
Ginkilala ang subject sa operasyon nga si William Torpio y Espinal, 34, kasado kag residente sang Brgy. South San Jose, Molo.
Sandig sa report sang Arevalo PNP, nabaklan sang tinawo sang Regional Anti-Illegal Drug Special Operation Task Group 6 ang suspek sang isa ka plastic sachet sang ginasuspetsahan shabu balor P1,000.
Sang ginrikisa, nakuhaan sia sang dugang nga 20 ka mga plastic sachets sang ginapatihan shabu, drug paraphernalia, P9,300 nga cash nga ginapatihan kita sa pagbaligya sang ilegal nga droga, subongman marked money.
Nahibaluan nga si Torpio ang manghod ni alyas Apa nga bag-o gid lamang nakapiyansa sa korte para makagwa sa prisohan bangod sa kaso nga pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
