[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Manokan gin-raid: mga pusil, bala narekober ‘ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Dakop sang mga pulis ang tag-iya sang manokan sa Purok Simaguan sa Barangay Minoyan, Murcia, Negros Occidental nga may ginahupot nga armas sa ginpatigayon nga raid kahapon sang aga.
Ginkilala ni Senior Inspector Hector Balbon, hepe sang Murcia PNP, ang suspek nga si Renato De los Reyes alyas “Boy,” 50, may asawa kag naga-istar sa amo nga duog.
Nakuha sa iya paghinakop ang isa ka 12-gauge shotgun nga may 11 ka mga bala kag tatlo ka kahon sang mga pulbora para sa ginapasuni paghimu sang bomba. Wala man ini sang nagakaigu nga papeles para sa armas kag pulbora.
Natigayon naman ang raid paagi sa Negros Occidental Police Public Safety Company sa pagpamuno ni Superintendent Frederick Mead kag ila gin-endorsar ang suspek sa Murcia PNP.
Ang raid ginhimu bangod sang report nga pirme may nagapalupok sa sulod sang amo nga manokan.
Samtang ginasulat ini nga balita, priso na si De Los Reyes sa Murcia PNP.
Sa pihak nga bahin, natukiban man ang isa ka bangkay nga wala pa makilala kapin 200 metros ang kalayuon sa balay ni De Los Reyes.
Ginataod-taod karon sang mga otoridad kon bala may kahilabtana si De Los Reyes sa pagpatay sa biktima nga ginapatihan ginpatay kag ginlubong sadtong nagligad nga Sabado, Dis. 10, 2016./PB
[/av_textblock]
[/av_one_full]
