[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga alkalde indi pabor sa pagbalasa sa mga hepe’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Indi kumporme ang pila ka mga alkalde sa probinsya sang Iloilo sa pagbalasa sang Police Regional Office (PRO)6 sa mga hepe sang pulis sang damlag lang.
Para kay Mayor Rey Grabato sang Mina, indi sia kumporme sa pagbalasa sang PRO-6 bangod nga kuntento sia sa trabaho sang iya hepe nga si Inspector Roy Castro.
Wala man ni Grabato naluyagan ang tikang sang PRO-6 matapos nga wala sang konsultasyon nga natabo antes ginhimu ang pagbalasa.
“Daw indi ko ya kumporme sina kay waay sila konsultasyon sa LGU. Dapat pabal-on man anay nila ang mayor kay bal-an mo performer to ang akon hepe,” hambal ni Grabato.
Gin-eksplikar pa sini nga wala pa nakapungko si Presidente Rodrigo Duterte, nakasugod na sia kampanya kontra sa ilegal nga droga rason nga naubos na ang mga drug pushers sa ila banwa.
“Two years ago, nagsugod na kami sina, sin-o ang dakpon mo kon naubos na namon dakop? Alang-alang dakpon ang iban kon waay naman,” hambalni Grabato.
Para naman kay Mayor Ronilo Caspe sang Cabatuan, nagapati sia nga importante ang maayo nga relasyon sang alkalde kag nagapungko nga hepe para mangin madinalag-on ang kampanya kontra sa ilegal nga droga.
Bisan wala nadala ang iya hepe sa pagbalasa, nagapati si Caspe nga dapat ginpahibalo anay ang mga alkalde sang PRO-6 sang himuon nga pagbalasa para maka-preparar man sila.
“Importante ang relasyon sang hepe kag sang mayor. Kag ang support sang mayor naga-depende ina sia kon gusto niya ang hepe nga ibutang sa iya banwa kay ti kon indi maayo ang relasyon kag wala sang salig ang local executive sa hepe nga ibutang, indi namon mahatagan sang ngakaigu nga support,” eksplikar ni Caspe.
Madumdoman nga nabutang sa kontrobersiya ang hepe sang Cabatuan nga si Chief Inspector Engelbert Banquillo matapos nga diutayan lamang madala sa 50 ka mga pulis nga ginpa-idalom sa Character Aptitude Development and Enhancement Training.
Ining reaksyon naman sang duha ka alkalde kasunod sang pag-apelar ni Senior Supt. Roderick Augutus Alba, OIC sang Iloilo Police Provincial Office, nga hangpon ang pagbalasa sa 16 ka mga hepe sang pulis sa probinsya.
Sunu kay Alba nga hangpon sia kontani sang mga alkalde ilabi pa nga gulpihada lamang ang pagbalasa sa mga hepe kag wala na sang pormal nga pahibalo sa mga alkalde.
Gin-eksplikar ni Alba nga kabahin gid lamang sang kampanya kontra sa ilegal nga droga ang pagbalasa kag wala sang gina-atubang nga kaso ukon nahimu nga sala ang mga hepe nga nadalahig.
Sept. 9 sang ginsugoran ang pagbalasa sa 62 tanan ka mga hepe sa Rehiyon 6 bangod sang pigaw nila nga hinimuan angut sa kampanya kontra sa ilegal nga droga./H
[/av_textblock]
[/av_one_full]
