[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Motor nakabunggo, drayber patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang drayber sang motorsiklo sang makabunggo sa Hyundai Accent sa access road sang Silay-Bacolod Airport sa Minulu-an sakop sang Brgy. Matab-ang, Syudad sang Talisay, Negros Occidental alas-7:40 sang Lunes sang gab-i.
Ginkilala ang biktima nga si Rene Moralbe Samson, Jr., 36, may asawa kag naga-istar sa Hacienda Sta. Maria sa amo man nga syudad.
Naka-angkon sia sang mga pilas sa ulo kag lawas kag dali-dali gindala sa Talisay City Community Center apang ginlawag dead-on-arrival ni City Health Officer Dr. Howell F. Exmundo.
Nakilala naman ang drayber sang Hyundai Accent kay Gil Juarez Gonzales, Jr., 32, may asawa kag taga-Rosario Heights Subdivision, Brgy. Taculing, Syudad sang Bacolod.
Sunu sa imbestigasyon sang pulis, nakabunggo ang motor sa wala nga bahin sang salakyan ni Gonzales nga iya nasugata.
Yara subong sa kustodiya sang Talisay City PNP si Gonzales kag nagtanyag naman areglo sa pamilya sang biktima./PB
[/av_textblock]
[/av_one_full]
