[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MOTOR VS TRAK: DRAYBER PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginbawian sang kabuhi ang drayber sang motorsiklo matapos nga nakabunggo sa nakaparada nga wingvan truck sa Barangay Agcuyawan Calsada, Barotac Nuevo, Iloilo alas-4:50 sang kaagahon kahapon.
Gindeklarar nga dead-on-arrival sa Don Jose Sustiguer Monfort Medical Center Extension Hospital sa amo man nga banwa si Jomar Brito y Braza, 34, soltero kag residente sang Brgy. Jalaud, Barotac Nuevo, bangod sang naagom nga patal nga pilas sa ulo.
Sandig sa imbestigasyon ni PO2 Mark Anthony L. Carado sang Barotac Nuevo PNP, nagamaneho ang biktima sang Keeway 125 Euro nga motorsiklo gikan sa Brgy. Jalaud agud magpadulong sa Syudad sang Iloilo pero pag-abot sa Brgy. Agcuyawan Calsada, aksidente sia nga nakabunggo sa wala nga porsyon sang nagaparada nga Hino wingvan truck nga ginamaneho ni Joel Inoue Jr., 30, soltero kag residente sang Brgy. Agcuyawan Calsada.
Ginapahayag man nga gina-akupar na sang trak ang halos tunga sang dalan matapos nga naka-angkon sang mechanical malfunction sa national highway.
Bangod sang mabaskug nga impact, nagtabog gid si Brito kag nagtupa sa sementado nga karsada rason sang patal sini nga pilas sa ulo.
Gin-aresto naman sang kapulisan sang Barotac Nuevo PNP si Inoue.
Base naman sa pahayag sang pila ka mga pumuluyo sa Brgy. Agcuyawan Calsada nga nakasaksi sa aksidente, manoghalin na ang trak kag nakibot na lang si Inoue sang may nagbunggo sa likod sini.
Dugang pa sang mga testigo nga nag-overtake ang biktima sa ginasundan man nga motorsiklo./PB
[/av_textblock]
[/av_one_full]