[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Negosyante nakaluwas sa asasinasyon sa Bacolod ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nakaluwas ang presidente sang ACT-Community Investigative Support sa tuyo nga paglikidar sa iya mga alas-3:10 ang takna sang kaagahon kahapon sa Liroville Subdivision sakop sang Brgy. Singcang-Airport diri.
Ginkilala ni Senior Inspector Wilfredo Benoman, hepe sang Police Station 8, ang biktima nga si Joseph Nazareno, 45, may asawa kag taga-Brgy. Taculing sining syudad.
Sunu naman sa panaysayon ni Nazareno, sakay sia sa Montero Sports kag nagtughong sa gasolinahan malapit lamang sa Bacolod City Police Office.
Matapos nagtughong, nagdiretso sia sa Golden Field Commercial Complex sa diin namutikan niya nga may nagasunod sa iya nga isa man ka Montero.
Sa paglaum nga ma-overtake ini sa iya, naghinay sang maneho si Nazareno apang daku ang iya kakibot sang gintiro sia sang pila ka beses nga nag-igu sa iya windshield kag kilid sang salakyan.
Sunu kay Nazareno nag-atras ang amo nga salakyan kag padayun sia nga ginatiro apang wala sia maigu kag nakapalagyo.
Dugang pa niya nga tuyo gid sia patyon sang kapin apat ka mga suspek nga wala niya makilala.
Nagapati naman si Nazareno nga ang tuyo pagpatay sa iya may labot sa ila grupo nga nagabulig sa pagtapna sang kriminalidad.
Iya man namitlang nga posible mga “gun-for hire” ang mga suspek kag sunu sa iya usisaon niya kon ini sila gikan sa Pototan, Iloilo.
Samtang ginasulat ini nga balita, padayun ang pag-usisa sang kapulisan sa natabu./PB
[/av_textblock]
[/av_one_full]
