[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P.5-M PATONG SA ULO NI PREVENDIDO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Tuesday, January 24, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Mas labi pa nga magakitid ang banas sang Philippine Drug Enforcement Agency (PDEA)-identified drug lord nga si Richard Prevendido sang Brgy. Bakhaw, Mandurriao.
Kasunod ini sang pagrekomendar ni Iloilo City Police Office (ICPO) OIC Senior Supt. Remus Zacarias Canieso sa Iloilo City Peace and Order Council (CPOC) sang P500,000 nga padya para sa sin-o man nga makahatag sang impormasyon sa ginapanagoan ni Prevendido nga magaresulta sa iya pagka-aresto.
“Ang bounty kuhaon sa Intelligence Fund sang Iloilo City government,” kumpirmasyon ni Mayor Jed Patrick Mabilog.
Si Prevendido kilala man sa alyas nga “Buang” kag amo ang lider sang Prevendido Drug Group nga nabase sa Brgy. Bakhaw, Mandurriao. Ginpahayag nga ara sia nagapanago sa probinsya sang Iloilo.
Nangin basehan sang rekomendasyon kag padya ang kabug-aton sang kaso nga ginapangatubang, status sa listahan sang high-value targets kag may pending nga warrant of arrest.
Sa sinapol naman sang CPOC, ang iban pa nga ginkilala nga mga drug personalities amo sanday:
* Ariel Prevendido sang Brgy. Bakhaw, Mandurriao;
* Troy John Prevendido sang Brgy. Bakhaw;
* Ana Penecilla y Prevendido sang Brgy. Bakhaw;
* Romeo Penecilla y Pudadera alyas “Boyet” sang Brgy. Tanza Rizal Estanzuela, City Proper;
* Rampart Gregori sang Brgy. Desamparados, Jaro;
* Errol Barcebas sang Syudad sang Iloilo;
* Jessica Mino sang Molo;
* Ma. Beauty Dela Cruz sang Brgy. Bakhaw, Mandurriao; kag
* Niven Dejeron sang Brgy. Desamparados, Jaro, nga lunsay may patong nga tag-P10,000./PB
[/av_textblock]
[/av_one_full]
