[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P11-M shabu narekober sa bunga sang niyog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Wednesday, May 10, 2017
[/av_textblock]
[av_textblock size=” font_color=” color=”]
Syudad sang BACOLOD – Nagabalor sang kapin P11 milyon ang nakumpiskar nga ginapasuni shabu sa sulod sang Bureau of Jail Management and Penology (BJMP) sa Syudad sang Dumaguete, Negros Oriental sang Domingo.
Sunu sa bag-o nga destino nga jail warden nga si Jail Chief Inspector Prizel Arevalo, nagsuspetsa na ang duha ka jail guards sa duha ka lalaki nga nagdul-ong sang 30 ka mga bunga sang niyog sa BJMP nga para sa priso nga nakilala kay Joram Catam. Ginbilin lang nila ang mga niyog kag naglakat gilayon bisan wala pa nila nakita ang tuyo nga priso.
Ginhulat naman sang mga jail guards nga matapos ang misa sa BJMP antes usisaon ang mga niyog kag ihatag kay Catam.
Tion naman sang pag-usisa, sunu kay Arevalo, nga natukiban nga ginbutang ang mga ginapasuni shabu nga nagabug-at sang isa ka kilo sa anum ka mga niyog nga nabuka na.
Sang gin-usisa naman si Catam sang mga otoridad, ginpanginwala sini nga may labot sia sa gindul-ong nga ilegal nga droga.
Angut sining hitabo, ginmando ni Arevalo ang mas hugot nga pagbantay ilabi na sang ginahaboy halin sa gwa sang pader nga mga butang nga nagatupa sa sulod sang sang BJMP.
Samtang ginpadala naman ni Senior Superintendent Hernan Grande, director sang BJMP – Negros Island Region, ang nasambit nga ilegal droga sa Philippine National Police Crime Laboratory para sa laboratory testing./PB
[/av_textblock]
[/av_one_full]
