[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P12-M, halit sang sunog sa feed mill sa Pavia ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagtuga sang P12 milyon nga balor sang halit ang sunog nga naglamon sa bodega sang Pavia Feed Milling Corp. sa Barangay Mali-ao, Pavia, Iloilo nga nagsugod alas-3:50 sang hapon sang Domingo kag nadeklarar nga fire-out alas-3:47 sang kaagahon kahapon.
Sa interbyu sang Panay Balita kay Fire Inspector Jesus Valenzuela sang Pavia Fire Station, nagsugod ang sunog sa rear south point sang bodega ukon sa pinakakilid kon sa diin nakatambak ang mga sako nga ginsudlan sang mais kag iban pa nga ginahimu nga feeds.
Pero indi pa madeterminar ni Valenzuela kon ano ang gintunaan sang sunog kag padayun pa ang ila nga imbestigasyon.
Sunu pa kay Valenzuela nga mahimu magsobra pa sa P12 milyon ang halit sang sunog sa tion nga makasumiter na sang affidavit sang nasunog nga mga produkto kag kagamitan ang Pavia Feed Milling Corp.
Sa pihak nga bahin, gin-aku ni Valenzuela nga nabudlayan sila sa pagpalong sang kalayo bangod nga mabudlay nga sudlon ang sinako sang mga materyales sa paghimu sang feeds nga nagatinangkas sa sulod sang bodega. Kinahanglan pa nila nga maggamit sang backhoe para makakas ang mga ini kag mabasa.
“Lawig ang mopping operation naton sa sulod kay tam-an ka budlay patyon ang kalayo. Nag-request pa kita sang backhoe para makabulig sa paghaw-as sang mga sako para mabasa sang aton mga bombero kay indi na kita maka-penetrate kay tama ka taas sang filing,” eksplikar sini angut sa kon ngaa nalab-otan sila sang halos 12 ka oras sa pagpatay sang kalayo.
Daku man ang pasalamat ni Valenzuela kag sang Pavia Fire Station sa nagresponder nga mga fire trucks gikan sa kaiping nga mga banwa kag Syudad sang Iloilo rason nga natigayon nila nga madeklarar nga under control ang kalayo alas-8:08 sang gab-i sang Domingo./PB
[/av_textblock]
[/av_one_full]