[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pagkuha quarry materials sa Iloilo gin-regulate ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagpapanaog sang executive order (EO) no. 4304 ang gobernador para ma-regulate ang pagkuha kag pag-transport sang balas, bato kag iban pa nga quarry materials sa bilog nga probinsya sang Iloilo,.
Tuyo sang EO ni Gob. Arthur Defensor Sr. nga ginpagwa sang Disyembre 29, 2017 nga ma-regulate ang pagkuha, pagkutkot kag pagbiyahe sang balas kag bato ukon iban pa nga quarry materials para malikawan man ang pagkaguba sang mga provincial roads, indi maubos ang balas kag bato sa mga suba kag malikawan ang overloaded nga mga trak.
Sa idalom sang mando ni Defensor, ang mga hauling truck nga nagakarga sang balas kag bato indi dapat mag-agi sa provincial road.
Indi man pagpahanugotan ang pagkutkot, pagkarga kag pagbiyahe sang balas kag bato kon malain ang kondisyon sang lugar nga ginakuhaan nga pagadeterminaron sang Provincial Disaster Risk Reduction and Management Office.
Ginadumili man ang pagkutkot, pagkarga kag pagbiyahe sang balas kag bato sa adlaw sang Domingo luwas lang kon may special permit nga gin-isyu ang opisina sang gobernador. Lakip sa basehan sang gobernador sa pag-isyu sang special permit amo nga kon kinahanglan gid dayon ang delivery para matapos ang gina-obra nga proyekto.
Ang katapusan, ang mga operators sang ISAG, CSAG kag iban pa nga quarry permit holders ang dapat magkarga lang sang balas kag bato sa ila mga trak nga may overloading stickers nga gin-isyu sang probinsya nga nagapakita sang maximum volume sang materyales nga ikarga.
Nagpaandam pa ang gobernador sa mga quarry operators nga indi magsunod sa iya mando nga mahimu sila magpangatubang sang nagakaigu nga penalidad kaangay sang pagsuspendir, revoke ukon kanselasyon sang permit./PB
[/av_textblock]
[/av_one_full]