[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pagsumpa ni Defensor sa PDP-Laban gin-atras sa Enero ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Liwat nga ginpa-isol ang pagsumpa ni Gob. Arthur Defensor Sr. sa Partido Demokratiko Pilipino-Lakas ng Bayan (PDP-Laban).
Imbes nga Disyembre 1, posible nga hiwaton sa Enero 2018 antes ang pagselebrar sang Dinagyang Festival ang pagsumpa ni Defensor sa partido kaupod sang iya duha ka bata nga sanday Cong. Arthur Defensor Jr. kag Board Member Lawrence Defensor sang tercier distrito.
Bangod ini sang kasakuon kag konplikto sa eskedyul ni House Speaker Pantaleon Alvarez nga amo ang secretary general sang PDP-Laban.
“Indi naman madayon. Nagtawag ang chief of staff ni Speaker Alvarez nga indi maghilisantu ang ila eskedyul. So, nagapangabay si Speaker nga tapuson ta na lang ang Paskwa and then the oath taking will happen in January. Total way ta man na ginadalian,” hambal ni Defensor.
Matandaan nga una na nga gin-atras ang pagsumpa sang mag-amay nga Defensor sa PDP-Laban gikan sa orihinal nga eskedyul nga Nobyimbre 23 bangod man sang kasakuon ni Alvarez nga amo ang magapanguna sa pagpasumpa.
Kaupod kontani sang mag-amay nga Defensor nga masumpa sa Disyembre 1 amo ang mga alkalde, bise-alkalde kag mga konsehal sang mga banwa sang tercier distrito nga ginabug-osan sang Badiangan, Bingawan, Calinog, Cabatuan, Janiuay, Lambunao, Mina, Maasin, kag Pototan nga natalana kontani hiwaton sa Mina.
Matandan nga nagdesisyon ang mag-amay nga Defensor nga magbiya sa partido Liberal para magsaylo sa PDP-Laban bangod sang kahangawa nga maapektohan ang mga proyekto nga mabaton sang mga banwa sa probinsya gikan sa gobyerno nasyonal.
Gin-aku man ni Defensor nga ang pagsaylo nila sa PDP-Laban ang may labot man sa maabot nga 2019 nga eleksyon kon sa diin nagpakita sang interes ang iya bata nga si Cong. Defensor nga magpapili bilang gobernador sa tion nga matapos ang termino sang iya amay./PB
[/av_textblock]
[/av_one_full]