[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | NAKA-ALERTO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, June 30, 2017
[/av_textblock]
[av_textblock size=” font_color=” color=”]
Ginpa-idalom ni Mayor Jed Patrick Mabilog sa full red alert status ang bug-os nga Syudad sang Iloilo pagkatapos nga nagluntad ang pag-reyd sang kapin sa 50 ka katapo sang New People’s Army sa Maasin Municipal Police Station.
Kadungan man diri ang pagkatikma sang tatlo ka ginapasuni mga katapo sang Maute Group nga nagsakay sa barko gikan sa Cagayan de Oro nga may ruta nga nagahapit diri sa Iloilo antes magapadulong sa Manila.
Ginrason sini nga may yara sia sang gahum sa idalom sang kasugoan nga magdeklarar sini para maamligan ang mga pumoluyo batok sa mga pamahog kag posible nga matuga nga kahalitan sang mga samong sa komunidad.
Indi makwestyon ang pag-gamit niya sang iya otoridad nga sa iya paglantaw makaamlig sa iya mga nasakopan nga mga pumoluyo kag teritoryo. Diskresyon sang alkalde ang paghimu sang sini nga desisyon rason nga wala sang may nagsupak kag ang tanan nagsunod.
Gilayon nga nagsapol ang mga natungdan sa kon paano mas mapahugot ang seguridad sa kabug-osan nga Syudad sang Iloilo.
Ginhimulsuhan naton ang probinsya sang Iloilo nga amo ang mas may kabalaka sa sini nga sitwasyon bangod sa ila natabo ang pag-reyd sang NPA sa Maasin Police Station. Ginpahayag ni Governor Arthur Defensor Sr. Nga iya ginatugyan sa kapulisan kag militar ang paghimu sang nakaangay nga tikang sa sini nga hitabo.
Mas kalmante ang gobernador sang probinsya sa pag-atubang sa sini nga mga sitwasyon. Nakahibalo sia kon paano kag kon san-o niya gamiton ang iya poder para maamligan ang iya pumoluyo. Maalam sia sa pagtimbang sa mga bagay kag sa pagtul-id kon sin-o ang angay nga maghimu sang sibu nga tikang sa sini nga problema. Mas nakahangop ang gobernador nga ini trabaho sang kapulisan kag militar kag ang pangulohan sang probinsya ang magasakdag kag maga-ugyon lang sa kon ano ang nadihon nga solusyon sang yara sa unipormado nga serbisyo.
Kaangay man diri ang desisyon ni Antique Governor Rhodora Cadiao. Ginpaiway niya nga ipa-idalom sa full red alert status ang ila probinsya apisar nga sa ulihi nga engkwentro sang militar kag mga rebelde sa Leon, Iloilo ang indi man malayo sa katupad sini nga banwa sang San Remigio nga sakop sang ila probinsya.
Nagapati si Cadiao nga normal ang sitwasyon sa ila probinsya kag kon ipa-idalom niya sa full red alert status, mahimu nga maapektohan ang industriya sang turismo sa ila nga probinsya.
Ginsiling ni Cadiao nga naga-aligmat sila kag nagahimu sang tanan nga pagpanghanda angut sa posible nga pagtuhaw sang kalakasan nga makatublag sa ila malinong nga probinsya.
Samtang, sa bahin sang probinsya sang Guimaras, nagdeklarar sila nga ipa-idalom ang ila probinsya sa full red alert status. Apang, ila namarasmasan nga dapat ligwaton ang tinaga agud nga mas mahumok nga pamatian bangod nga ila nakita ang mangin epekto sini sa ila industriya sang turismo.
Ginpanindugan sang Guimaras nga nagapabilin sila nga insurgency-free kag wala sang dapat kabalak-an kag indi problema sa ila ang tuhoy sa mga rebelde nga NPA.
Dapat indi mangin nerbiyoso kag naka-alerto./PB
[/av_textblock]
[/av_one_full]
