[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Drug protector gid man bala si Mayor Mabilog?
MATONOG na ang balita sa mga radyo nga na-dismiss na sang Ombudsman sa serbisyo si Mayor Jed Patrick Mabilog.
Ina tungod sa akusasyon sang “unexplained wealth”batok sa iya, nga base kuno sa wala napamatud-an nga manggad niya kag sang iya asawa sa iya SAL-N, ukon Statement of Assets & Liabilities and Net Worth.
Sunu kay Atty. Mark Piad, ang spokesman ni mayor, wala pa man sila nakabaton sang official nga kopya sining dismissal order sang Ombudsman.
Ang report sa radyo nagasiling nga ang desisyon sang Ombudsman amo gid ang dismissal order nga nagalakip sang disqualification sa pag-hold sang bisan ano nga posisyon sa gobyerno kag pagdula sang iya tanan nga service benefits.
Kon sa bagay indi pa man final ang dismissal ni mayor tungod, sa iya kaso, puede pa siya ka-file sang verified review sa Court of Appeals, bisan executory na ang desisyon sang Ombudsman, sunu gani sa iya mga abogado nga gina-pangunahan ni Atty. Piad.
Sa kalbaryo ni Mayor Mabilog, duha gid ka krus ang iya ginapas-an. Ang akusasyon ni Presidente Rodrigo Duterte nga siya drug protector kag ang ining “unexplained wealth”.
Kon ma-serpayan na sang DILG ang ining dismissal order sang Ombudsman kag ma-serve na kay mayor, ining ikaduha nga akusasyon ang una niya paga-antuson kay indi na niya mapunggan ini tungod gani executory na.
Ang na-una nga akusasyon nga siya drug protector daw ginaluto pa sing maayo ni Presidente.
It appears nga posturing lang ini sang Presidente sa iya fighting strategy nga “Posture, Fight, Flight, or Submit”, katulad sang ginahimo sang isa ka superior combat unit.
Sa nahibal-an ta na, ang posturing nga ginahimo sang Presidente amo ang hayag niya nga akusasyon nga drug protector si mayor, nga tubtub subong sa sulod na sang mga napulo ka bulan wala pa niya mapatuman.
Si anay Albuera, Leyte Mayor Rolando Espinosa na pa-submit na ni Presidente sa prisuhan, apang napatay sadtong Nobyembre 2016 upod ang isa ka inmate tungod kuno armado sila kag nagbato didto mismo sa sulod sang prisuhan.
Si Ozamis City Mayor Reynaldo Paroginog Sr. ya gin-pwersa sa pag-submit paagi sa isa ka raid, sa diin nagbato si mayor kag ang mga 14 niya ka tawo napatay sadtong Hulyo 2017.
Ini sila nga duha ka mayor na-link sa drug trade kag napatay sa panahon nga chief of police si Chief Insp. Jovie Espenido.
Amo na ini ang ginhalinan sang paghalin sang pamilya ni mayor nga upod siya. Ginbalita man nga nagapahuway-huway siya samtang ginabulong sa luas sang pungsod sa balatian nga diabetes.
Si Mrs. Marivic Mabilog nagpahibalo nga nahadlok na sila sa posible matabo sa ila, labi na gid kay i-assign kuno si Espenido sa Iloilo City nga wala man madayon.
Naglain pa gid ini sang sini lang ginpahayag ni Presidente nga si “Mayor Mabilog is next…”
Meantime nag-fullpledged mayor na si Vice Mayor Jose Espinosa III sang maglab-ot sa duha ka bulan ang pagka-absent ni mayor.
Kon mag-final gid man ang ruling sang Ombudsman, diri na seguro matuman sang Presidente ang iya fighting strategy para sa flight (ukon pagpalagyo) na sing lubos ni mayor.
Ugaling, kon matabo ini kay mayor nga indi mapamatud-an ni Presidente ang pagka-drug protector ni mayor, maggwa ini nga pamahog lang kag dala lang sang dumot niya kay mayor nga naghatag sing problema sa iya sadtong kampanya, sa diin ginsiling nga ginpatyan suga ang iya rally.
Tungod sini, isa ka konsehal gani ang nagapati nga pulitika lang ang rason sang paglagas ni Presidente kay mayor.
Dapat gid pamatud-an ni Presidente, bisan sa pagpapati lang sa mga pumuluyo nga drug protector si mayor. Kag indi basta lang masami siya makit-an nga ka-upod ang pila ka druglord sa siyudad, katulad sang pagbaton sang payola sa mga druglord.
Sa nahibal-an ta man, may depensa si mayor. Siling niya nga kon nag-duging ang illegal drug sa siyudad indi siya mabasol kay gintugyan niya ang away sa droga sa PDEA kag kapulisan.
Kon ano gid man ang paghusgar sang mga pumuluyo sa sining kaso ni mayor, seguro mahibal-an ta gid man sa indi madugay. #
[/av_textblock]
[/av_one_full]
