[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Ang makalilipong nga basura sang siyudad’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Tuesday, May 9, 2017
[/av_textblock]
[av_textblock size=” font_color=” color=”]
INDI tanan nga mabaho kontra naton. May ara gani nga ginapangita pa naton, katulad sang durian nga dulse nga luyag ta kusam-kusamon. Ang iban indi ta man malikawan, katulad sang de lata nga isda nga kinahanglan ta pa initon agud madula ang iya langsa bag-o isud-an.
May ara man nga indi ta luyag masimhutan, apang kinahanglan ta simhutan, katulad sang naranghita nga dalhon naton sa mabalod nga biyahe sa barko agud indi maglingin ang aton ulo ukon magsuka gid.
May mabaho ugaling nga indi ta luyag mahaklo kag ginalikawan gid tungod makapalain ini sa aton ikaayong lawas, katulad sang pan-os nga sud-an, naglaon na nga higko sang kabataan ukon ni lolo kag lola sa diaper, kag mga patay nga sapat nga ginahabuy pa sang iban sa basurahan. Man, nagadala ini sila sang makahalalit nga mikrobyo.
In fact, sang nagligad nga semana, mga ugto yadto samtang nagasakay ako sa dyep nga puno sang pasahero, naipit kami sa trapik sa atubangan mismo sang Lapaz Market.
Sus, gulpyada lang nga nagtalabon kami tanan sang amon mga ilong sa makalilingin nga bahu halin sa garbage truck sang Layson nga na-pitsel man sa trapik malapit lang sa amon. Mga lima ka minutos seguro ang tener sang garbage truck. May isa gani nga nagsiyagit gid: “Tabang!”
Diyosme, indi bala maka-deliver basura ang Layson samtang laka-laka pa ang mga tawo nga nagalagaw sa kalye! Ngaa sa ugto gid? Indi bala puede sa gab-i pakadto sa kaagahon nga laka pa ang tawo sa dalan kag indi ma-pitsel sa trapik ang garbage truck para indi kita magpilisnguon sa bahu?
Kon sin-o man da ang naga-monitor sang byahe sang mga garbage truck, palihog lang ipa-schedule ini sa insakto nga oras agud indi maka-perwisyo sa tawo.
Ano abe sa inyo dira sa city health office? Daw wala lang kamo kahibalo, haw. Wa-i ninyo kay kargado kamo sa bitamina kag bulong kontra sa mikrobyo halin sa basura.
Ang city council daw wala man kamaan. Sige lang aprub nila sang pagpanukot minilyon sang Layson nga wala gareklamo bisan ginapuog na ang pumuluyo sang bahu sang ila basura.
Siling ko anay concern naton ang ikaayong lawas sang mga pumuluyo. Ang iban da nga garbage truck wala gani takop agud bisan paano maibanan ang bahu sang basura sa dalanon.
Ang mga basurero gani nagapa-hero-hero pa nga wala nagatabon sang ila mga ilong. Hulata gid ninyo da nga kamo ang una halitan sang nagabusong nga mikrobyo!
Kag abe ninyo nalipay kami sa inyo project nga MRF (Materials Recovery Facility)? Indi, uy! Ang iban halos matabunan; ang iban wala gid gani gina-tabunan. Amo gani nga galinapta lang ang basura sa ukay sang idu kag kuring, lakip na ang naga-pangabuhi sa basura. Hay, gabalingaso gid ang bahu sini sa sige habuy man sang iban bisan sang higku sang tawo, labi na gid ang higko sang kabataan sa ila diaper.
“Ay, ambot!” pautwas pa gani sang abyan ko nga agi./PB
[/av_textblock]
[/av_one_full]
