[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ LABAY MAN AKON ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY RUNJI ROCIO JAMOLO
[/av_heading]
[av_textblock size=” font_color=” color=”]
Monday. September 18, 2017
[/av_textblock]
[av_textblock size=’18’ font_color=” color=”]
BISAN daw ano ka-highly urbanized ang syudad sang Iloilo, may mga kahigayunan nga sa pamatyag ko daw sa nagapangabuhi kita sa kagulangan.
Sa jungle, ang makusog lamang ang nagahari. Ang makusog lamang ang survivor sa kon ano nga pagtilaw.
Sa kasubong sa akon nga isa ka working family woman, ginapahat-pahat ko ang akon tiempo para sa tanan nga buluhaton kag hilimuon. Sa matag-adlaw nga tanan, tiempo ang ginalagas ko para matuman ang mga obligasyon. Tapuson anay ang isa bag-o deretsuhan ang isa naman.
Kon kaisa, ang dalanon sang syudad daw isa ka jungle. Wala sapayan sang mga signs and signals, daw wala man ginatuman sang iban. Daw sa hungod ang pagbalewala bangud kinahanglan mo nga lagson ang imo salakyan.
Ang syudad may mga “bay area” para sa mga salakyan. May mga “loading and unloading area” para sa mga sumalakay. Apang hungod nga ginabalewala kay pauna-una sa salakyan. Wala sing order. Nagadis-uganay. Bata, tigulang, nagabusong o piang segurado nga mabilin sa tabtaban kon ini ang palahinandigan.
Kasubong na lang abi sang higad dalan sa Quintin Salas tubtub sa Tabuc Suba sa distrito sang Jaro nga daw sa nagabusong, nagapatunga na ang mga pasahero lamang nga makasakay. Nagapakigsiko sa iban sa hadluk nga maubusan sang masakyan pakadto sa opisina o sa eskuelahan man.
Katulad man sina ang pagkahimtang kon oras na sa pagpauli. Hala lagsanay sang salakyan. Dalagan diri, dalagan didto. Daw sa isa man gawa ka oval ang nadalaganan kon tingbon mo. Magluwas nga pila ka minutos na gawa ang naligad (maghalus isa na ka oras), indi gihapon makahimo nga magtaklas sa jeep nga ginahulat.
Kontani may pila man sang mga pasahero sa paradahan sang salakyan.
Daw nahimo man ina sa iban nga terminal sang salakyan (o bisan gani sa pumpboat). Ngaa indi ina sarang mahimo sa mga “loading and unloading area” sang syudad. Labi na ang sa mga balantayan sang salakyan sa mga eskuelahan, opisina o kon ano nga kumbuyahan?
Ang mga traffic aide nga nagaugtas sa indi husto nga palanaugan o sakayan sarang mag-design sang pamaagi (sa bulig sang mga nagbalalik nga mga barker) nga palinyahon ang mga nagahulat nga pasahero agud matantya mo kon san-o na bala ang tion mo nga makasakay. Sarang man sila gabayan sang mga pila ka contractual city hall employees nga na-assign sa Task Force Anti-Jay Walking. Pananglit wala sang makaboluntad nga iban, puede man hengyuon ang mga tanod sa nagasakop nga barangay nga buligan agud mapahamtang ang pilahay.
Pausuhon na bala ang pagpila sa salakyan. Sa pagpila ginapakita naton ang pagtahud sa mga nakauna sa aton. Indi na pag-ipamilit ang pagpanagil-ut. Isikway na ang pagpalusot. Wait, wait lang anay tubtub makasay pero paunahon naton ang mga nagabusong, ang older persons kag mga persons with disabilities. Ini sa pagkilala man sang katilingban sang magamay nila nga chance sa pagpakigbato sa dis-uganay.
Kita bahin sang isa ka sibilisado nga community. Gani pausuhon na ang pilahay sa balantayan salakyan. (runjirjamolo@gmail.com/PN)
[/av_textblock]
[/av_one_full]
