PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Sa diin na ang gobyerno?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

SA ADLAW-ADLAW na lang, ang balita angut sa ilegal nga droga wala untat. Unod sang balita sa radyo, telebisyon kag pamantalaan angut gihapon sa ilegal nga droga.
Nga-a bala nagakatabu ini? Napukan na ang mga dalagkuan nga tawo nga ara sa baligya-anay sang ilegal nga droga. Kunhambalon sang administrasyon, ang transaction ara sa sulod sang New Bilibid Prison. Apang nga-a kun napukan na ang mga high-profile inmates, ara sa gihapon ang ilegal nga droga?

Kun amo, may tuhay nga ginahalinan ang ilegal nga droga sa palibot sang pungsod? Diin bala nagahalin ang supply sang ilegal nga droga? Sin-o pa bala ang nabilin nga naga-uyat sang renda sang ilegal nga droga?
Masobra na duha ka libo ang napatay sa kampanya kontra ilegal nga droga. Kapin na isa ka milyon ang nadakpan ukon nagsungka sa otoridad. Ano na ang ginahimo sang gobyerno?

Ang Department of Social Welfare and Development (DSWD) subong pa lang nagplastar sang ila templates kun paano himuon ang rehabilitasyon sang mga drug dependents nga nagsungka sa otoridad.
Ang Department of Health subong pa lang naga-umpisa sang ila programa kun paano hanason ang mga health workers nga magadumala sang rehabilitation centers. Indi ayhan tama na ini ka ulihi?

Kabudlay man nga gusto naton mabag-o ang sosyodad apang wala sang maathag nga programa ang gobyerno kun paano sabton ang kinahanglanon sang mga luyag magbag-o.

Matuod gidman nga wala nahandaan sang gobyerno ang kasangkaron sang ilegal nga droga sa pungsod. Pero indi ayhan nga nangin sobrahan lang ang pagkalangkag sang gobyerno nga mapapas ang mga dorogista gani nangin isyu ang extrajudicial killings (EKJ) sa pungsod? Kag nahayanghag ang mga ahensya sang gobyerno sa ila nakita kag halos nagsala-sala na kun ano ang ila himuon.

Ang kampanya kontra ilegal nga droga wala lamang nagatapos sa pagdakop kag pagpatay sang mga naulamid sa pagbaligya sini. Ang kamatayun sang mga drug lords ukon pushers indi makatapos sang problema diri. Samtang gina-ayam ang mga balabag tyan nga mga tawo nga ara sa ilegal drug trade, ano naman ang ginaahimo sang gobyerno agud maluwas kag mahaw-as sa luyan sang droga ang mga maluyag magbag-o?

Maathag nga wala sang nakahanda nga sabat ang panguluhan nasyonal para sa mga maluyag magbag-o. Teh diin na ang iya sang panguluhan nasyonal?

Sa sini nga sitwasyon, dapat magsulod na diri ang papel sang pamunuan local. Nahangpan naton nga indi ini masarangan sang gobyerno kun wala sang bulig sang tanan.

Sa bahin sang pamunuan local sang syudad sang Iloilo, nagsugod na ang Community Change Center sang syudad nga isa ka community-based nga rehab center sang mga drug surrenderees. Sa target nga 420 ka mga drug dependents, 280 lamang ang nagapadayun sa ila rehab program. Ini nga programa nagahatag sang libre nga detoxification sa mga drug dependents, values formation kag iban pa.

Ang programa magalawig sang anom ka bulan kag ang madinalag-on nga makatapos sini ipaidalum sa paghanas sang TESDA para mangin tadlong na ang ila pagkabuhi matapos ang masalimuot nga kalibutan sang ilegal nga droga.
Samtang masako ang gobyerno sa paglagas sang mga dorogista, ano naman ang programa para sa pamilya sang mga nagkaladakpan? Pila ka kabataan ang nawad-an sang ginikanan bangud napriso ang amay kag iloy? Ano naman ang prorama sa ila? Sila ang matuod nga biktima sang ilegal nga droga. Kumusta naman ayhan sila subong?

Ang kampanya sa ilegal nga droga indi magdaug paagi sa pagpamatay. Nagakinahanglan ini sang pangkabilugan nga sabat. Programa halin sa suspestado panaog sa ila pamilya.
Sa sini nga aspeto sang kampanya, sa diin na ang gobyerno?/PN

[/av_textblock]

[/av_one_full]

LEAVE A REPLY

Please enter your comment!
Please enter your name here