PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Wala sang sigurado nga palahuwayan

TUBTOB sa kamatayun, ang mga imol wala gihapon sang sigurado nga palahuwayan. Bisan patay, problema gihapon ang katapusan.
Ini ang sitwasyon sa pungsod Pilipinas. Indi lamang ini nagakatabu sa syudad sang Iloilo. Bisan diin lang problema gid sang mga pigado ang pagpalubong sa ila minatay. Ihalimbawa lang naton ang syudad sang Iloilo.
Ang syudad sang Iloilo may tatlo ka mga sementeryo nga ginadumalahan. Ini amo ang Tanza sa City Proper, Quintin Salas sa Jaro kag Jereos, La Paz.
Sa interview kay Engr. Noel Hechanova, head sang City Environment and Natural Resources Office, nalambot na sang Tanza cemetery ang peak sini kun kadamuon sang lubong ang hambalan.
Ang Tanza cemetery may kapasidad nga 7,000 ka lubong. Ang nagakatabu subong amo nga gina-exhume ang mga madugay na nga patay kag ginabuslan sang bag-o nga lubong. Ang malala pa kay may nagakatabu nga pagkawat sang mga tul-an agud mabakante ang pantyon agud pasudlan sang bag-o lubong.
Ini nga senaryo nagapakita lang nga kun imol ka sa Pilipinas, bisan sa kamatayun dala mo gid ang kaimulon. Kun nabudlayan ka makaangkon sang kaugalingon nga balay, mas mabudlayan ka mangita sang katapusan nga palahuwayan sa mga pampubliko nga sementeryo.
Ini nagapamatuod lang nga ang kaimulon dala bisan sa lulobngan. Siguro kun makahambal ang patay, masiling sya nga sang nagakabuhi pa mabudlay ang iya pagsinalayo, subong nga patay, nagaantos man gihapon.
Masubo batyagon nga bisan ang patay ginapit-an pa sang disente nga pagpahuway. Maayo ang mga manggaranon bangud may sobra sila agud handaan ang ila pagtaliwan. Pero ang mga imol nga ang matag-adlaw nga tanan napain lang sa pagkaon kag iban pa nga kinahanghlanon sang pamilya, kun mapatay, problema ang paghimos sang bangkay kag kun diin sya ipahamtang.
Ang mga pampubliko nga sementeryo libre man lang kuntani. Kun may balayran man indi gid man sobra.
Wala pa diri nadala ang pagkamahingaliton sang mga punerarya. Diri sa La Paz may punerarya pa nga gina-process ang lawas sang patay bisan wala sang pahanugot sang pamilya. Ahaw nga pagkuha sang bangkay sa ospital nagasukot sila sang P2,500 kag ang embalsamasyon, P15,000. Kun ikaw imol, masarangan mo bala ini?
Kun imol ka halin sa pagkabun-ag tubtob sa kamatayun ang inhustisya ara gid.
Kun imol ka bisan sa kamatayun, mabudlayan pa nga mapahamtang ka sa matarong nga palahuwayan!/PN
[/av_textblock]

[/av_one_full]

LEAVE A REPLY

Please enter your comment!
Please enter your name here