PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Ano labot mo?

ANO labot mo? Ini ang masami ginasabat sang isa ka tawo nga indi gusto hilabtan sa iya ginahambal ukon ginahimo.

Ini man ang maayo nga isabat sa mga tawo nga mahilig magtugda bisan indi kinahanglan ang ila panugdaon sa isyu.

Pero kun ikaw kabahin sang grupo kag ang pagtugda sa imo malain nga ginahimo sa matawhay man lang nga paagi, indi man matarong nga amo ini ang isabat.

Sining mga inadlaw, ini nga mga tinaga ang gusto ipabati ni President Rodrigo Duterte sa international community nga hilabtero sa internal policies sang Pilipinas sa pagpakig-away sa kriminalidad.

Bilang katapo sang international community, may katungdanan kita nga magsunod kun ano ang mga nakasugtan nga mga pagsulondan nga makabig mahimo ipatuman sa aton pungsod. Kun mahangay ang pagmuno sang aton “pagsobra” sa pagbuhat sang isa ka akto, makabig man nga iresponsable nga sabat.

Sa serye sang pagbisita ni President Duterte sa kampo sang military kag kapulisan, isa lang ang tema kag tono sang iya mensahe. Ilegal nga droga kag pagkontra sa tanan nga nagapakamalaut sang makahas nga kontra droga nga lihok sang gobyerno.

Indi man matarong nga ang tanan nga nagakapatay angut sa ilegal nga droga ibasol sa gobyerno. Ang indi matarong amo ang pagpabaya sang mga ahente sang otoridad sa nagakatabu nga pagpamatay paagi sa indi paghatag sang husto nga ti-on agud masolbar ang mga kaso.
Ang mas masakit amo ang pagkapatay sang mga suspetsado sa kamot sang kapulisan kag ang pagkadalahig sang mga inosente nga bata.
Mahimo man makasabat sa isyu nga matawhay kag may tono sang edukado nga tawo. Ang pagpamuyayaw indi matarong nga magkawas sa baba sang isa ka lider sang pungsod.

Suportado naton ang President sa maisog niya nga pagsabat sa mga pagpahilabot sang international community sa internal nga hilikuton sang pungsod. Pero kun tani, himuon ini nasanto sang kinaalam kag mag gamit sang tinaga nga ginabaton sa dayalogo sang komunidad sa bug-os nga kalibutan.

Ako nagasaludo gid kay President Duterte. Sya lang ang President nga maisog magpabatyag nga indi pwede madiktahan ang Pilipinas sa mga polisa nga dapat ipatuman para sa kaayuhan sang pungsod. Pero dapat paminsaron man ni Duterte nga kita kabahin sang mga international treaties kag wala kita naga-isahanon. Kinahanglan man naton nga magtuman kun ano ang mga nakasugtan kaangay sang pag-amlig sang tawhanon nga kinamatarong.

Sa bahin sang international community, dapat man sila mangin mahinalungon sa ila mag-questions sa ginahimo sang isa ka pungsod. Sa pungsod kaangay sang Pilipinas, kinahanglan na nga maggwa ang aton gobyerno sa kinaandan nga proseso agud mangin madinalag-on sa away kontra sa ilegal nga droga. Ang ginasiling bala sa Ingles nga “think out of the box.”

Ako nagapati nga kun kahimuan gid man sang estado ang pagpamatay sang mga kriminal, ginahimo ini para sa kaayuhan sang kadam-an. Ugaling ang masakit lang kun aton na pamilya ang mangin “biktima” sang makahas nga hulag sang gobyerno.

Sa pihak sini nga mga hitabu, suportahan ta ang aton President. Sya lang ang lider nga may kaisog magkontra sa pagpahilabot sang iban sa internal nga hilikuton sang gobyerno.

Magtindog kita para sa aton presidente sa sini nga aspeto. Apang dapat pahanumdumon man naton sya nga maghinay-hinay sa pagpamuyayaw sa mga nagatugda sa makahas nga hulag sang gobyerno batok sa mga kriminal.

Kag kuntani sa masunod nga mensahe sang President, makabati naman kita sang iban nga topiko kaangay sang direksyon sang iya mga polisa sa ekonomiya, edukasyon, agrikultura kag infrastructure.

Indi lang ilegal nga droga ang problema. May iban pa nga kinahanglan man mahibaluan sang mga Filipino kun ano ang direksyon sining administrasyon.

Sa sini nga higayun, wala gid sya sang poder nga magsabat sa aton sang “ano labot mo/nyo?”/PN

[/av_textblock]

[/av_one_full]