PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Ginpaslaw mo kami, Vice Joe III ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=’custom’ color=”]
Thursday, March 9, 2017
[/av_textblock]

[av_textblock size=” font_color=” color=”]

SA MAKAPILA ka kahigayunan nakatambong ako sa mga events nga nagapamulong-pulong si Bise Alkalde Jose Espinosa III. Bilang isa ka tag-abi-abi ukon bilang isa ka dinapit nga bisita.  Pinakaulihi kahapon ang opening program sang ASEAN Socio-Cultural Council Meeting (ASCC) sa Iloilo Convention Center (ICon).

Pagsugod pa lamang sang iya pagpamulong-pulong nagtinulokay na ang mga katapo sang local media. Nagalaum ang tanan nga may nakahanda nga speech ang bise alkalde. Ini para mas mapakilala ang syudad sang Iloilo sa mga delagates sang ASEAN 2017. Apang ginpaslaw ni Espinosa ang paglaum sang mga Ilonggo.

Maathag nga wala naghanda sang iya speech ang bise alkalde. Makita sa iya paghambal nga nagapangapkap sya sang dapat nya nga ihambal. Bangud sini may nabungat sya nga mga tinaga nga indi maayo pamati-an.

Apisar nga tuhay ang iya ginapakahulugan siguro, ang pagpili sang nagasanto kag nagakadapat nga tinaga nangin mabudlay bangud wala sya naghanda sang iya speech. Halimbawa lang diri ang:

“We are very happy to welcome the representatives of ASEAN…..Uhm…You know we are not used to these activities..It was a dream some years ago to have activities like these.”

Ini nga linya sang iya mensahe nagapakita nga daw buki ang Iloilo sa mga dalagko nga conferences kaangay sini. Ambot kun nakadumdum sya nga naka-host naman ang Iloilo sang Asia-Pacific Economic Cooperation (APEC) Summit sadtong 2015? Kun nadumduman niya ini, indi nagakabagay ang tinaga nga “we are not used to these activities” para sa Iloilo.

Ang Iloilo ginakabig nga international destination para sa Meetings, Incentives, Conferences and Exhibitions (MICE). Pamatuod sini nga kadungan sang ASEAN meetings, naga-host man ang Iloilo sang National Convention sang Rotary Club. Sa simple nga pulong ang Iloilo indi buki sa mga dalagko nga hilikuton kaangay sang ASEAN.

Base nagakinahanglan na si Vice Joe III maggwa na sa iya hawla kag makig-angut na sa sosyodad. Indi lamang niya pag-i-limit ang kaugalingon sa kapehan sa La Paz ukon sa kabarangayan.

Pinakanubo na kuntani nga mahimo sang isa ka lider amo nga ipabugal sa mga bisita ang iya lugar. Ipabatyag dapat sa mga bisita nga sa tagipuson nakatanum ang bugal para sa banwa.Pero sa tono sang speech ni Espinosa, kaangay lamang nga makalolooy ang Iloilo. Ulihi sa iban nga syudad kag wala halos ginabisitahan.

Maathag nga daw indi pa gid sampaton sa mga kadalag-an sang Iloilo ang bise alkalde sang syudad. Ang iya speech sa atubang sang mga ASEAN delegates kaangay sang speech sa campaign rally sa barangay.

Ini panawagan sa mga tawo nga nagauyat sang PR ni Vice Joe III. Dapat may iya kamo sang speech writer sang bise alkalde. Malaw-ay nga sa tagsa niya ka speech nagapangapkap sya sang tinaga nga iya gamiton. Ang handa nga speech makaubay sa iya nga mangin tayuyon kag nagaalangut ang mga punto sang iya speech. Indi nga kun mamati ka, daw ikaw ang masugpon sa iya linya.

Ini isa ka tampad nga panawagan kay Vice Joe III. Ini bilang isa ka Ilonggo nga media man nga nagabulig pabugal kun ano ka tahum ang Iloilo.

Sa prangka nga estorya, Vice Joe III, ginpaslaw mo ang mga Ilonggo.

Sa sunod tani may prepared speech ka na!/PN

 

 

 

 

[/av_textblock]

[/av_one_full]

LEAVE A REPLY

Please enter your comment!
Please enter your name here