[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Pagpanabi-tabi
PASADO na alas 3:00 sang hapon sang napirmahan ang sulat nga ipadala sa Board of Directors (BOD) kag General Manager sang Metro Iloilo Water District (MIWD).
Ini nga sulat amo ang “cautionary/cease and desist notice” para sa BOD kag management sang MIWD.
Sa sulat nga napetsahan Disyembre 14, 2017 ginhambalan ni Mayor Joe Espinosa III ang MIWD paagi kay Board Chairman Dr. Teodoro C. Robles kag General Manager Imelda Magsuci nga void ab initio ang appointment sang anom ka katapo sang BOD kasunod sang desisyon sang Supreme Court en banc nga nagadeklarar sang Section 3 (b) sang Presidential Decree 193 nga unconstitutional. Ini ang probisyon nga nagadula sang poder sang alkalde sang isa ka syudad nga mag-appoint sang BOD sang water district kun manubo sa 75 percent ang active connections sa sakop sang syudad. Bunga ini sang pag-question sa korte sang anay alkalde sang Cebu City nga si Mayor Michael Rama kag Metropolitan Cebu Water District (MCWD) sa pagsaylo sang appointing authority sa gobernador sang Cebu bangud nagnubo sa 71 percent ang active water connections sa syudad.
Sa sulat sang alkalde ginsiling sini nga nagatuyo sia nga mag-appoint sang bag-o nga set sang BOD.
“Wherefore, the undersigned intends to appoint a new set of members of the Board of Directors of Metro Iloilo Water District, Iloilo City pursuant to the above cited case. You are therefore directed to henceforth cease and desist from further performing the powers and functions of the members of the Board of Directors of MIWD, such as but not limited to your rumored plan to award a P12.348-billion contract to private water distributor, MetroPac Water Investment Corp. (MWIC).” Ini kabahin sang direktiba ni Espinosa sa MIWD.
Nagahingyo man si Espinosa nga tahuron kag sundon ang ini nga instructions agud indi na makaatubang pa sang kabudlayan sang kasuhay sa korte.
Kun matandaan sang tanan, 2013 sang nagdesisyon ang Regional Trial Court nga wala na nalambot sang syudad sang Iloilo ang 75 percent nga active water connections. Bangud sini ginhatag kay Gov. Arthur Defensor Sr. sang Iloilo province ang otoridad nga mag-appoint sang BOD sang MIWD.
Pasado na alas 4:00 sang hapon sang ginpadala sang opisina sang alkalde ang sulat sa opisina sang MIWD. Wala sang sulat nga nagapahibalo sa gobernador sang probinsya. Siling sang iban ngaa wala gid kuno nag-courtesy ang alkalde sa amay sang probinsya? Ngaa wala man lang sia nagpahibalo kay Defensor nga ini ang iya desisyon? Wala man lang abi nagpanabi-tabi kun sa hulubaton pa sang mga tigulang ang alkalde.
Kun tan-awon at face value may rason ang alkalde. May punto man sia apang kuntani hambal sang taga-probinsya, panabi-tabi man sia! (jpranco1975@gmail.com)/PN
[/av_textblock]
[/av_one_full]
