PAUTWAS! | Maila ang edukasyon

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! | Maila ang edukasyon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]

BY JOEL FRANCO
[/av_heading]

[av_textblock size=” font_color=” color=”]
Sunday, May 21, 2017
[/av_textblock]

[av_textblock size=” font_color=” color=”]

 

 

BUKAS klase na naman. Sa mga middle class kag below minimum wage earners, problema naman ang galastuhon. Enrollment, school supplies, pamasahe sa salakyan, allowance…galastuhan nga wala sang katapusan.

Ang edukasyon ginakabig nga equalizer sang kabuhi. Manggaranon man ukon imol kun makatapos may masanag nga palaabuton. Amo ina nga ang mga imol nagahimakas nga makakuha sang kurso agud makatrabaho kag makatibawas man sa kaimulon. Ang edukasyon ang ginakabig nga makabatak sa kapigaduhon sang mga tawo nga nagabakas kag nagabatas.

Ang pagpaeskwela sa kabataan dako nga alabagahon sang mga ginikanan diri sa Pilipinas. Sa pihak sang ginasiling nga libre nga basic education, indi gid madula ang balayran. Kun malibre man sa tuition, bawion kag sa mga yangkot yangkot nga balayran indi gid makalikaw.

Nagainulan lang ang reklamo sang mga ginikanan nga may mga eskwelahan sa gihapon nga nagapanukot. Ang siling sang Department of Education (DepEd) may ginapatuman sila nga nga “No Collection Policy.” Pero ngaa may ara sa gihapon sang nagareklamo nga may mga eskwelahan nga nagapanukot? Indi gid bala makasunod sang simple nga instruction ang mga principal ukon mga heads of school? Ngaa may nagapanukot sa gihapon?

Ngaa bala maila gid ang edukasyon sa mga Filipino? Matuod nga may mga scholarships nga ginatanyag ang gobyerno kag mga pribado nga sector. Pero pila lang gid sa ila ang maakumodar abi? Ini napain lang sa mga “poor but deserving students” ukon mga imol apang maalam nga mga estudyante. Paano naman ang mga indi gid man maalam apang gusto man nga makaeskwela apang kutob lang sa kun ano ang ila madangatan nga kinaalam? Subong may kasuguan na nga libre ang tuition sa mga unibersidad kag kolehiyo nga ginapanag-iyahan sang estado (SUCs ukon state universities and colleges). Pero ini may mga limitasyon man.

Indi gid bala makasarang ang gobyernop maghatag sang libre nga edukasyon? Bisan sa mga SUCs subong bracketing man. Kag ang masakit kay ang basehan sang bracketing bill sang kuryente/tubig, income tax sang ginikanan kag iban pa. Wala nila gina-factor kun pila ang nagaeskwela ukon pila ang myembro sang pamilya.

Sang una ang tuition sa SUCs barato lang. May P550 ka, bilog na nga semester na ina. Pero subong kun wala ka sang linibo indi ka na makaeskwela bisan sa gobyerno pa nga eskwelahan.  Kaangay bala nga negosyo na ang edukasyon subong.

Kuntani himuon man sang gobyerno nga mapalapit ang edukasyon sa mga kabataan. Ihatag nga libre kag kun makatapos sila sa pila ka adlaw kag makatrabaho, mangin maayo ang ekonomiya bangud mangin dako ang ila purchasing power kag indi na magsalig sa gobyerno. Indi lang ang mga pumuluyo ang hambalan nga mag-invest sa edukasyon. Dapat mag-una ang gobyerno sa pagbutang sang dako nga investment sa edukasyon. (jfranco1975@yahoo.com/PN)

 

 

[/av_textblock]

[/av_one_full]

LEAVE A REPLY

Please enter your comment!
Please enter your name here