PAUTWAS! | Nagapaalam-alam nga hangag

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! | Nagapaalam-alam nga hangag’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]

[av_textblock size=” font_color=” color=”]
Tuesday, July 4, 2017

 
[/av_textblock]

[av_textblock size=” font_color=” color=”]

 

 

 

NAGABAGTING ang akun dulonggan kag nagasakit ang akun mata magbasa sa mga comments kag posts sa Facebook sang liwat ginmitlang ni President Rodrigo Duterte nga “bedrock of illegal drugs” ang syudad sang Iloilo.

Kun basahon mo ang mga posts kag kumento pamatyagan ko daw sila ang mangin-alamon. Experto sa ilegal nga droga. Sampaton sila sa tanan nga bagay. Masubo nga kamatuoran bangud mas nagapangibabaw pa ang opinion sang mga hangag sang sa opinion sang matuod nga may nahibaluan sa isyu.

Kun makapakalain sila sa mainstream media daw wala sang pulos. Maathag nga wala sila nakahibalo kun ano ang nangin papel sang media sa maragtas sang tagsa ka pungsod. Matuod may mga bagay nga guilty man ang media, pero kun interes sang publiko ang nakataya, indi ini pagpabay-an sang media.

Malipayun kita bangud may social media. Tanan mahimo na nga mangin journalist. Kun tawgon social media journalist. Kun wala ka sang mapautwasan sang imo kaakig, mahimo ka maghibubun-ot sa imo social media account.

Indi man madula ang mga hilabtero/hilabtira sa Facebook. Ini ang mga tawo nga maabtik magkumento sa status sang iban kag kontrahon pa ang punto sang nag-post. Ini ang mga klase sang tawo nga matuod nga hangag kag balingag. Ini ang mga klase sang tawo nga kulang sa pinanilagan. Mag-post ang iban dayun kumento kag kun sabton sila pa ang maisog nga mang-insulto.

Ang Facebook account sang isa ka tawo mapaanggid ina sa iya balay nga sya ang may poder kun ano man ang iya i-post kag ihambal. Kun indi ka kuntento sang iya mga posts, post ka man sang imo punto sa imo kaugalingon nga account, indi nga harap-harapan nga bali-on mo ang panindugan niya. Kaangay lang ina nga nagbisita ka sa balay sang imo amigo pero ginhikayan mo ang iya taste sa color sang kurtina, arrangement sang sala set kag bisan ang timpla sang iya pagkaon.

Simple man lang ang pagsulondan, kun bisita ka sa balay sang iban, dapat mangin matinahuron ka. Indi ka bastos nga manghikay sang ila kahimtangan ukon sitwasyon. Pareho man ina kun naga-comment ka sa post sang iban sa ila social media account.  Ila ina nga post kag ila ina nga account, ngaa makumento ka kag kontrahon mo sila?

Kun indi ka naman bala ungo nga nagapaalam-alam. Social media ethics dapat ang magdikta sa imo nga indi magkontra sa post sang iban maluwas lang kun ikaw ang ginapuntariya. Bisan sa pamatyag mo ikaw ang ginapuntariya pero wala man namitlang ang imo ngalan. Wala ka sang deber nga magsabat.

Kanugon sang social media nga ginapuy-an lang sang mga hangag nga nagapakuno-kuno nga maalam. Kanugon sang social media nga ginagamit nga platform sang mga bugok ang utok.

Ikaw makapila ka na bala nagkumento sa post sang iban nga wala ka man gani sang labot? Naglabay lang sa newsfeed mo dayun mo man kumento kag ginkontra mo pa. Panugyan ko sa imo, maghalong ka, indi magpataka. Luwas lang kun gusto mo nga tawgon ta ikaw nga hangag, balingag, bastos, kag tikalon. ([email protected]/PN

 

 

[/av_textblock]

[/av_one_full]

LEAVE A REPLY

Please enter your comment!
Please enter your name here