PAUTWAS! | Panginbulahan

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading tag=’h3′ padding=’10’ heading=’PAUTWAS! | Panginbulahan’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
BY JOEL FRANCO
[/av_heading]

[av_textblock size=” font_color=’custom’ color=”]
Thursday, April 6, 2017
[/av_textblock]

[av_textblock size=” font_color=” color=”]

PANGINBULAHAN ukon congratulations sa Ingles. Ini ang nagasug-alaw sa mga kabataan nga naggraduate subong nga tuig kag sa mga ginpadunggan nga ara pa sa manubo nga grado.

Ang panginbulahan tinaga nga simple apang dako ang iya impact sa balatyagon sang tawo nga ginatan-ayan sini. Amo ina nga sa bisan simple lang nga kadalag-an dapat indi gid kita magkalipat nga manginbulahan. Kag dapat ihatag ang panginbulahan sa nagakasanto. Ang padungog dapat sa nagakaangay gid.

Nakibot ako sang nagtambong ako sang recognition ukon padungog sang mga pupils sang Calinong Elementary School. Tuhay na gale ang sistema sang paghatag sang padungog sa mga kabataan. Nakita ko nga mas maayo ini nga sistema bangud ginadula sini ang kumpetisyon. Katahum tan-awon ang mga kabataan nga nagalinya kag dulolongan nga ginasab-itan sang ila mga medalya. Katahum man tan-awon ang mga ginikinan nga asta sa dulonggan ang yuhom sa nangin kadalag-an sang ila kabataan. Sa sini nga sitwasyon ang kabataan napun-an sang pagdayaw. Sila ang sentro sang kadalag-an.

Sa kadalag-an sang kabataan halos nalipatan na ang mga tawo nga nagapatulo sang balhas lamang mahatagan sang maayo nga pagsinalayo ang mga kabataan.Sila ang mga gininakanan, utod, tiya ukon guardians nga amo ang naggasto kag nagbatas sa kabudlay lamang mapaeskwela ang ini nga mga kabataan. Gani sila man nagakadapat nga ipanginbulahan kag padunggan bisan palakpak lang.

Panginbulahan man sa mga manunudlo nga nagsalo sang papel sang mga ginikanan sa eskwelahan. Sila ang nagbatas man sang pagkamasabad sang mga kabataan agud lamang sila mapun-an sang kinaalam. Dapat man sila nga padunggan kag hamabalan sang pagpanginbulahan.

Sila pila lamang sa mga tawo nga kabahin sang kadalag-an sang isa ka estudyante. Sila ang mga tawo nga nag-abaga sang katungdanan bangud sa ila commitment sa pagserbisyo.

Ang Department of Education (DepEd) may polisa nga no dropout dapat ang kabataan. Kun sin-o nga bata ang nadula ukon nag-untat ginapangita kag ginakumbinser nga magbalik na sa eskwelahan. Ini nga polisa napamatud-an nga epektibo bangud napabalik sini ang interes sang mga dropout nga magbalik eskwela. Matahum ini nga sistema bangud liwat mapataas ang literacy sang aton pungsod.

Ang kadalag-an sang kabataan bunga man sang manibunoylugon nga komunidad. Sa simple nga pulong, kita tanan may bahin sa kadalag-an sang kabataan
Gani panginbulahan sa aton tanan. (jfranco1975@yahoo.com/PN)

[/av_textblock]

[/av_one_full]

LEAVE A REPLY

Please enter your comment!
Please enter your name here