[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Presyo sang LPG, petrolyo nagsaka na naman ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Asud-asod nga nagsaka ang presyo sang Liquefied Petroleum Gas (LPG) kag mga produkto nga petrolyo kasunod sang big time price hike sang mga kompaniya sang langis sa bug-os nga Pilipinas.
Nagsugod ang pagsaka sang presyo sang LPG alas-12:01 sang kaagahon sadtong Lunes, Oktubre 1.
Una nga nagpasaka ang Petron Corporation sang P4.90 kada kilo sang Gasol kag Fiesta Gas ukon P53.90 sa kada 11 ka kilo sang tangke sini. Nagsaka man sang P2.75 kada litro ang presyo sang Xtend Auto-LPG nga ginagamit sa mga taxi.
Kag humalin alas-sais kaina sang aga, nagsaka man ang presyo sang mga produkto nga petrolyo sang Petron. Ginabanta nga P0.25 tubtob P0.55 ang saka kada litro sang diesel samtang P0.55 ang saka kada litro sang kerosene.
Luwas sini, umpisa alas-sais kaina sang kaagahon, nagsaka man ang presyo sang produkto nga petrolyo sang kompaniya nga Total kag Eastern Petroleum kon sa diin P0.25 tubtob P0.55 kada litro ang lauman nga pagsaka sang diesel.
Eksplikar naman ni LPGMA Rep. Arnel Ty nga ang pagsaka sang presyo sang LPG kag produktong petrolyo ang may labot sa pagwaswas sang duha ka hurricane sa Amerika subogman sa paglamig sang panahon.
Matandaan pa nga bulan pa sang Agusto sang ulihi nga nagsaka sang masobra P5 ang presyo sang LPG sa Pilipinas./PB
[/av_textblock]
[/av_one_full]