[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PRO-6 ginpakamalaut pag-ambush sang NPA sa mga pulis ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginakabig sang Police Regional Office (PRO) 6 nga akto sang terorismo ang ginhimu sang mga katapo sang New People’s Army (NPA) nga pag-ambush sa patrol cal sang Sibalom PNP sa Brgy. Pis-anan, Sibalom, Antique sadtong Miyerkoles sang aga.
Base sa pahayag sang PRO-6 paagi sa ila tagpamaba nga si Supt. Gilbert Gorero, ginakabig nila nga akto sang terorismo ang pagpang-harass sang NPA sa detachment sang Citizen Armed Force Geographical Unit sa Brgy. Bulalacao, Sibalom alas-dos sang kaagahon sadtong Miyerkoles subongman ang pag-ambush sa patrol car sang Sibalom PNP alas-9:33 sang aga sadtong Miyerkoles nga ginkasamad sang apat ka mga pulis nga sanday PO3 Gabby Orantes, PO3 Michael Alejo, PO3 Salvador Cordero, kag PO1 Jonard Laguna.
“PRO-6 would like to inform the public that the harassment in the CAFGU detachment at Barangay Bulalacao by the CPP-NPA members and the encounter between the PNP personnel of Sibalom MPS and the members of CPP-NPA in Barangay Bontol, both in Sibalom, are acts of terrorism,” siling sang PRO-6.
Nagapati ang PRO-6 nga nakamantsa sa malinong nga probinsya sang Antique ang pag-ambush bisan pa nga gindeklarar na sang Antique Provincial Peace and Order Council sa pagpamuno ni Gob. Rhodora Cadiao nga malinong kag handa sa pagbaton sang development ang probinsya.
Nakahanda man ang PRO-6 kaupod ang Philippine Army nga magdepensa sang konstitusyon kontra sa terorismo para mapreserbar ang kalinong kag katawhay.
Kag ginapangabay man sini ang tanan nga magbuligay para masustiner ang kalinong kag katawhay subongman mapahilayo sa pagpamahog sang nasambit nga grupo ang bug-os nga rehiyon 6.
Samtang, ginbisita kahapon sa ospital ni Chief Supt. Cesar Hawthorne Binag, regional director sang PRO-6, ang nasamaran nga mga pulis nga gin-ambush sang indi magnubo 30 tubtob 50 ka mga rebelde para maghatag sang suporta kag mapalab-ot ang pagpanginbulahan sa ginpakita nga kaisog sang mga ini./PB
[/av_textblock]
[/av_one_full]