[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PULIS NAGAPANGILKIL, TIKLO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, May 6, 2017
[/av_textblock]
[av_textblock size=” font_color=” color=”]
Syudad sang ILOILO – Arestado ang police trainee nga ginapasuni nagpangilkil sa isa ka retirado nga empleyado sang gobyerno takna alas-9:50 sang Huwebes sang gab-i sa Dalan Lopez Jaena, distrito sang Jaro.
Ang suspek ginkilala nga si PO1 Glenn Garbosa y Nesperos, residente sang Veterans Village, City Proper kag nagapakilala nga intelligence officer sang kapulisan.
Sunu naman sa report sang kapulisan, nadakpan ang suspek sa balay sang biktima nga si Rey Fajutrao, 65, kon sa diin tuyo sini nga magpangayo liwat sang daku nga kwarta.
Base sa alegasyon sang biktima, Abril 26 sang nagsulod sa ila balay ang suspek kag nagpamahog nga i-raid ang ila balay kon indi pag-ihatag ang mga pusil.
Nagpangayo man ini sang kwarta para sa pag-proseso sang lisensya tubtob nga naglab-ot sa P150,000 ang nakuha ni Garbosa sa biktima.
Sa kahadlok naman, ginhatag sang biktima ang tanan nga ginpangayo sang suspek tubtob nga nagduha-duha na sia nga malain na ang ginahimu sang pulis rason nga nagdangop sia sa kapulisan.
Diri na nga ginkasar sang entrapment operation nga nagresulta sa pagkatikma ni Garbosa kag natukiban nga police trainee ini sa Camp Martin Delgado. Narekober man sa iya ang isa ka pusil.
Gintuyo man nga kuhaan sang iya bahin ang suspek sang mga katapo sang media apang nagpamalibad.
Sa subong nagapangatubang si Garbosa sang mga kaso nga robbery kag pagbayolar sang Republic Act 10591 ukon illegal possession of firearms./PB
[/av_textblock]
[/av_one_full]
