[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’QUARRY SITE NATIPHAG, 2 PILASON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Tuesday, June 6, 2017
[/av_textblock]
[av_textblock size=” font_color=” color=”]
Syudad sang ILOILO – Pilason ang duha ka lalaki matapos nga natiphag ang pila ka porsyon sang Magbanua quarry site sa Barangay Sulangan, Dumangas, Iloilo alas-3:30 sang hapon kahapon.
Gindala sa Iloilo Mission Hospital ang drayber sang trak nga si Reygan Biñas, 36, residente sang Brgy. Poblacion, San Enrique, Iloilo samtang sa Dumangas District Hospital naman ginpadangat si Reymart Silvestre sang banwa sang Dingle nga drayber naman sang backhoe.
Sa interbyu kay Chief Inspector Rene Obregon, hepe sang Dumangas PNP, nakaagom sang samad sa wala nga tiil si Biñas samtang samad naman sa tuo nga kamot ang naangkon ni Silvestre.
Gintuad naman ni Joy Roque, secretary sang tracking sang Restia Marketing sa Brgy. Napnud, Leganes, nga nakabaton lamang sila sang tawag halin sa ila drayber angut sa nagluntad nga aksidente rason nga nagpadulong sila sa lugar.
Natigayon man nga makuha si Biñas sa sulod sang iya ginadala nga trak makaligad ang 30 ka minutos nga pagbuligay sang mga katapo sang Bureau of Fire Protection – Dumangas kag Dumangas PNP.
Sa panaysayon naman ni Bearly Sandoval, checker sang Magbanua quarry kag nakakita sang aksidente, naga-load ang trak sang gulpiyada lamang natiphag ang quarry site.
“Ga-load na ang truck tapos dugay-dugay amat-amat na nga nagahulog ang buga, garumpag na tana,” hambal ni Sandoval.
Samtang ginpahayag naman ni Mayor Ronaldo Golez sang Dumangas nga ang pribado nga quarry site ang gina-operate sa pangalan ni Marry Ann Pama.
Nagpasalig man ang alkalde nga imbestigaran niya ang natabo bisan may permit ang quarry: “Ginapa-verify kung na-fall sa within sa permit nga na-secure bala.”/PB
[/av_textblock]
[/av_one_full]
