[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’RADIO BLOCK-TIMER NATIROHAN-PATAY ANG ASAWA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Friday, April 7, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang asawa sang aksidente nga natirohan sang iya bana nga block-timer sa Radyo Natin samtang nagasakay sila sa traysikol pakadto sa Syudad sang Sagay, Negros Occidental mga alas-11 sang Miyerkoles sang gab-i.
Ang biktima nakilala nga si Virginia Yones Andalina, 33 kag taga-Brgy. Himogaan Baybay, Syudad sang Sagay. May igu ini sa iya likod gikan sa .22 kalibre nga magnum.
Dali-dali pa nga gindala ang biktima sa Lopez District Planters Foundation Hospital sa amo man nga syudad apang ginbawi-an sang iya kabuhi.
Ginkilala naman ni Chief Inspector Eduardo Corpuz, hepe sang Sagay City PNP, ang suspek nga bana nga si Moddy “Modi” Andalina, 38.
Sang gindakop ini, nakuha sa iya sling bag ang .22 kalibre nga armas nga wala sang nagakaigu nga lisensya.
Ang suspek man kag upod sini nga drayber nag-report sang insidente mga pasado ala-una kahapon ang kaagahon kag ginpahayag una ni Andalina nga gin-ambush sila.
Apang wala diri nagpati ang mga pulis bangod nakita sa iya kamot nga may pilas kag may agi sang powder burns.
Nag-gwa man sa imbestigasyon nga aksidente nga natirohan ni Modi ang isa asawa samtang sila nagapasaka sa Crossing Martinez kag nagahilapit na sa national highway sa Brgy. Poblacion 2.
Halin sa ila balay ang mag-asawa upod ang ila kamagulangan nga anak kag iya kumpare kag drayber sang traysikol kag pakadto kontani sa Syudad sang Sagay agud magkaon.
Sa Brgy. Himogaan Baybay pa lang, ginpahayag nga nag-ininom na sanday Modi kag didto pa lang nagapalupok na sia sang iya pusil.
Sunu naman sa drayber nga si Wilfredo Alor, abi niya naglupok ang goma sang iya sidecar. Dugang pa sini nga ang biktima nagasakay sa unahan upod ang ila bata samtang ang suspek yara sa likod.
Priso na karon si Modi sa lock-up cell sang Sagay City PNP. Sunu naman sa iya ugangan nga babae nga si Leticia, magapasaka gid sila sang kaso nga parricide kontra sa suspek.
Sunu pa sa iya ugangan nga tuyo gid sang suspek nga patyon ang iya asawa bangod sa gina-alegar sini nga may iban nga babae ang iya umagad./PB
[/av_textblock]
[/av_one_full]
