[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sakun…kun sa Ingles, selfish’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, March 6, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SAKUN ka kun wala ka sang kaayawan sa mga bagay kag ini ginadalok mo sa iban.
Akto sang sakun ang wala sang katapusan nga paghandom nga maangkon ang mga butang nga kuntani pwede man mahatag sa iban.
Isa sa mga ginatawag masami nga sakun sang mga tawo amo ang mga politiko nga wala plano mag-untat sa pagpadalagan sa pwesto. Ginahimo na nga palangabuhian ang politika. Sa politika na nagalibot ang iya kabuhi. Sa masami ang ginarason amo nga gusto sila sang tawo nga magpabilin sa pwesto.
Ang sakun indi lang mapabangod sa mga tawo nga ara sa pwesto. Ini mahimo man mabansag sa mga tawo nga gusto magbalik sa pwesto bisan pa kapila na ginsuka sang bumuloto. Nagapalanglapaw lang ang handum nga liwat makapwesto.
Sadtong Byernes, nabalahuba ang plano ni Cong. Jerry Treñas nga magpadalagan bilang akalde sang syudad. Ang kuntani para lang sa mga kapitan sang syudad nabalahuba. Siling sang isa ka kapitan naghambal si Treñas gusto nya magpadalagan sa pagkaalkalde sang syudad. Pero sa interview sang media siling ni Treñas ang mga kapitan ang gusto nga magpadalagan sya liwat bilang alkalde.
Sin-o ayhan ang nagasugid sang kamatuuran? Hay…sila lang ang makasabat.
Ngaa bala gusto ni Treñas nga magbalik sa pagkaalkalde sang syudad? Ara naman si Mayor Jose Espinosa III nga sitting mayor nga pwede man nila iduso. Kun nagapati si Treñas nga mabakod ang ila grupo, masarangan nila nga mapadaug si Joe III bisan pa sa impresyon nila nga mahina ang alkalde.
Wala kuno nagapamugno ang alkalde. Sang una amo man ina ang akun impresyon kay Joe III. Pero sugod sang nagpangalagad sya bilang alkalde sang syudad, nangin bukas sya sa media kag madali nga palapitan. Bisan diin mo sya makita basta may inugsabat, maabtik sya magbaton sang interview.
Matuod gid ayhan ang siling ni Treñas nga ginkonsulta nya si Mayor Joe III sa iya desisyon? Pero anay ka, ano ining siling sang isa ka insider nga may lainay na kuno sang buot sanday Joe kag Jerry?
Nagasunggudanay man ang ila tagsa ka asawa nga mag-utod nga Sarabia? Indi bala ini isa ka pagtraidor sa iya mismo bilas?
May nagasiling nga desidido na si Joe III nga magpadalagan sa pagkaalkalde. Handa sya kuno nga bungguon si Treñas sa amo nga posisyon. Kun matabu ini delikado sila nga duha kay base matumpilak sila sa magaulhot nga third force. Ara man nga daan nagapanginamkinam ang mga Gonzalez nga magbalik politika. Ara man kuno ang nagapakilala nga negosyante nga si Romel Ynion.
Indi man pagkalipatan si Councilor Joshua Alim nga subong naga-survey na kun ano ang gusto sang tawo nga padalaganan nya.
Kabay pa nga ini nga mga bag-o nga hitabu sa pulitika indi bunga sang pagkasakun sang mga natungdan. Kuntani ini nagatuyo nga makapangalagad sa kadam-an. (jpranco1975@gmail.com/PN)
[/av_textblock]
[/av_one_full]
