[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mag-live-in dakop sa drug raid, habon gamit sa pagbaligya shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Friday, March 17, 2017
[/av_textblock]
[av_textblock size=” font_color=” color=”]
Syudad sang ILOILO – Na-aresto ang mag-live-in partner nga ginapasuni nagabaligya sang ilegal nga droga sa drug raid sa ila balay sa Barangay Nanga, Pototan, Iloilo alas-9:15 sang gab-i sang Miyerkoles.
Ginkilala ang subject sa operasyon nga si Geraldine Publico y Asis, 34, kag iya ka-live-in nga si Carlo Gonzalo, legal ang edad. Si Publico amo man ang cashier sang kooperatiba sang Iloilo District Jail (IDJ) sa Brgy. Nanga.
Bitbit ang search warrant sa pagbayolar sang RA 9165 ukon Comprehensive Dangerous Drugs Act of 2002, nagpadulong ang puersa ni Senior Inspector Bonifacio Alabe, hepe sang Pototan PNP, sa balay sang mag-live-in.
Nakuhaan ang mga ini sang apat ka mga heat-sealed plastic sachets sang ginapasuni shabu nga nasulod sa Safeguard nga habon, tatlo ka heat-sealed plastic sachets sang ginapasuni shabu nga nasulod sa itom nga pouch, tatlo ka cellphones, duha ka plastic bag nga may unod nga resibo sang isa ka pawnshop, kag cash nga P6,000.
Sa interbyu sang Panay Balita kay Alabe, gintuad sini nga under surveillance si Publico matapos sila nakabaton sang report nga nagaduso ini sang ilegal nga droga halin pa sang 2009.
Sang nakumpirmar ini, nag-aplay sila sang search warrant kay Hon. Judge Vicente Go, executive judge sang Regional Trial Court nga napetsahan Marso 13, 2017.
“Ang babae sa BJMP (IDJ) naga-obra sa may coop. And then obra ya kuha lang sang padala nga kwarta sa Palawan Pawnshop. Sang November, may gin-raid kami sa Brgy. Nanga. Nakarebober kami sang resibo sang Palawan man. Ang ginpadal-an ya amo na ang lalaki (Gonzalo). Ti, nagduda kami kay isa man lang sila ka lugar, ngaa nagapadala pa sia sang kwarta. Amo to, gin-validate namon kag na-confirm namon nga naga-engage sila sa illegal drugs,” hambal ni Alabe.
Dugang pa sang hepe nga modus sang mag-live-in nga magpalusot sang shabu paagi sa pagsulod sa ginbuksan nga bunga sang sandiya ukon indi gani sa sulod sang mga habon para indi makita.
Daku man ang posibilidad nga nagabaligya sang ilegal nga droga duha sa iban nga mga priso sang IDJ bangod nga indi man madiskubrehan ang palusot nga ginahimu sang mga ini.
“Posible eh kay may information kami nga may gindala sia nga item sa sulod. Ginabasehan naton kay very secretive ang ila modus. Kay ginabuho-an nila ang habon kag isulod ang items,” dugang ni Alabe.
Natukiban man nga nagakuha sang suplay sang ilegal nga droga sa syudad ang subject kon sa diin ginadungan lamang sini sa pagbakal sang iya mga baligya.
Sa subong, ang mag-live-in priso na sa karsel sang Pototan PNP kag nagapangatubang sang kaso nga paglapas sa RA 9165./PB
[/av_textblock]
[/av_one_full]
